எனக்கு யாருமே இல்ல, எதுவுமே கிடைக்கல, குமுறி அழுத மோகன் வைத்யா: வீடியோ இதோ

மோகன் வைத்யா

பிக் பாஸ் வீட்டில் எனக்கு பாசம் கிடைக்கவில்லை, சொந்தம் இல்லை என்று யாராவது அழுவது வழக்கமான ஒன்றாகிவிட்டது. இந்நிலையில் பாசம் கிடைக்கவில்லை, எதுவும் நிலையாக கிடைக்கவில்லை, அதனால் தான் இதிலாவது ஒரு குடும்பம் கிடைக்கும் என்று ஆசைப்பட்டு வந்தேன், எனக்கு இதெல்லாம் சொல்லி அழக் கூட மனுஷாள் கிடைக்கவில்லை என்று மோகன் அழுதார். அதை கேட்ட தர்ஷன் தன்னை மகனாக நினைக்குமாறு கூறுவது போன்ற ப்ரொமோ வீடியோ வெளியாகியுள்ளது.

அழுகை

ப்ரொமோ வீடியோக்களில் தொடர்ந்து யாராவது இரண்டு பேர் இடையே மோதல் போன்று காட்டுவதால் ஒரு மாற்றத்திற்காக அழுகாச்சி வீடியோவை வெளியிட்டுள்ளார்கள் போன்று. இதை எல்லாம் நாங்க பிக் பாஸ் 1ல் பார்த்துவிட்டோம். வையாபுரி அழுததை இன்னும் நாங்க மறக்கவில்லை பிக் பாஸ்.

நடிப்பு

எனக்கு யாருமே இல்லையே என்று மோகன் வைத்யா அழுதபோது சித்தப்பு சரவணன் கொடுத்த ரியாக்ஷன் இது. என்னமா நடிக்கிறான்யா என்பது போன்று அவர் பார்த்தார். சரவணனிடம் இருந்து நிறைய எதிர்பார்க்கிறோம். ஆனால் மனிதர் இன்னும் தனது ஆட்டத்தை துவங்கவில்லை. வீ ஆர் வெயிட்டிங் சித்தப்பு.

ரசிகர்கள்

பிக் பாஸ் 3 போட்டியாளர்களுக்கு மட்டும் தான் முதல் நாளே காதல் வருமா, ரசிகர்களுக்கும் முதல் நாளே சலிப்பு வந்துவிட்டது. மாத்தி யோசிங்க பிக் பாஸ், முடியல. மொக்கை ஜாஸ்தியாக இருக்கிறது. இன்னும் எத்தனை நாள் தான் வனிதாவை க்ளோசப்பில் காட்டி, லாஸ்லியாவை ஆட விட்டு எபிசோடை ஓட்டுவீர்கள் என்ற கேள்வி எழுந்துள்ளது.