Thenmozhi BA Serial: லட்சுமி ஸ்டார்ட் ஆயிரு.. ரஜினி மாதிரி பேரு வைக்கலியா ஹீரோ சார்?

டாக்சி டிரைவர் ரஜினி

படிக்காதவன் படத்தில் ரஜினி டாக்சி டிரைவரா இருப்பார். தன்னோட டாக்சிக்கு லட்சுமின்னு பேர் வச்சு ஆசையா கூப்பிடுவார். லட்சுமி ரொம்ப விவரம் வேற.. பொய் சொன்னால் பிடிக்காது...கெட்டது செய்தால் பிடிக்காது. நடிகை அம்பிகா இதில் பிள்ளைத்தாச்சி மாதிரி வயித்தில் பாட்டில் கட்டிக்கிட்டு, ஊரை ஏமாத்தி சாராயம் விற்பாங்க. அவங்க வந்து ரஜினி டாக்சியில் ஏற, அதுக்குத்தான் கெட்டது செய்தல் பிடிக்காதே.. அது ஸ்டார்ட் ஆகாம மக்கர் பண்ணும்..

நிறை மாத கர்ப்பிணி

லட்சுமி.. நீ பண்றது கொஞ்சம் கூட சரியில்லை லட்சுமி. பாவம் புள்ளைத்தாச்சி.. இன்னிக்கோ நாளைக்கோ..நீ இப்படி ஸ்டார்ட் ஆகாம மக்கர் பன்றேன்னு டாக்சி கூட பேசிக்கிட்டே பேச்சு கொடுக்கும் போது கல்யாணமாகி சொல்ற மாசத்துக்கும், வயித்துல பிள்ளை உண்டாகி இருக்கும் மாசத்துக்கும் சம்பந்தமே இல்லாம அம்பிகா சொல்ல, அடுத்த நாள் நாள் பிரசவம்.. அடுத்த நாள் மறுபடியும் பிள்ளைத்தாச்சி என்று செம காமெடியில் படம் இருக்கும்.

ஹீரோ சார் உதைக்காதீங்க

அருள் பைக் பாதியில் நின்றதில் கடுப்பாகி, பைக்கை உதைக்கிறான். அப்போது அங்கு தனது ஸ்கூட்டியில் வந்த தேன்மொழி, ஹீரோ சார் அவனை ஏன் உதைக்கறீங்க என்று கேட்கிறாள். வண்டி ஸ்டார்ட் ஆக மாட்டேங்குதுன்னு சொல்றான். ஹீரோ சார், வண்டிக்கு பெட்ரோல் ஊத்தறீங்களே அதுக்கு ஒரு பேர் வச்சீங்களான்னு கேட்கிறாள். இவன் பேசாமல் நிற்க, சார் பைக்கை லவ் பண்ணனும் சார். இப்போ பாருங்க என் ஸ்கூட்டிக்கு நான் கண்ணம்மான்னு பேர் வச்சு இருக்கேன். தினமும் காலையில் எழுந்து கண்ணம்மாகிட்டே ஐ லவ் யூ சொல்லுவேன்.

நன்றி சொல்லுவேன்

பத்திரமா ஊராட்சி மன்ற ஆஃபீஸுக்கு அழைச்சுட்டு வந்ததுக்கு நன்றி கண்ணம்மான்னு சொல்லுவேன். இப்படி நாம எதை எல்லாம் பயன்படுத்தறோமோ அதை நேசிக்கணும் ஹீரோ சார்னு தேன்மொழி சொல்றா. இப்போ வீட்டுக்கு போகணும், நடு வழியில நிக்குதேன்னு புலம்பறான் அருளு. வீட்டுக்குத்தானே போகணும்.. வாங்க நம்ம வண்டியில போகலாம்னு கூப்பிடறா. இப்படி படத்திலிருந்து சுட்டாலும், சுவையா சீனை குடுத்து இருக்காங்க.