மோகினி சீரியல்: நோ சொன்ன நமீதா!

சினிமா வாய்ப்பு குறைந்து போனாலும் மானாட மயிலாட நிகழ்ச்சியில் நடுவராக அமர்ந்து மார்க் போடுகிறார் நமீதா.

எப்படியாவது சீரியலில் நடிக்க வைத்து விடலாம் என புது சேனல் ஒன்று நமீதாவை அணுகியுள்ளனர். ஆனால் அதற்கு நோ சொல்லிவிட்டாராம் நமீதா.

ஜெகன் மோகினி ரீமேக் படத்தில் மோகினியாக நடித்து பயமுறுத்தினார் நமீதா. இதை நினைவில் வைத்திருந்த இயக்குநர் ஒருவர் நமீதாவிற்காகவே ஒரு ஸ்கிரிப்டை தயார் செய்து வைத்துள்ளாராம்.

கடைதிறப்பு

சினிமா வாய்ப்பு இல்லாத நமீதா, காதுகுத்து, கல்யாணம், கடை திறப்பு என்று பிசியாக இருக்கிறார்.

மச்சான்களுக்கு மார்க்

சின்னத்திரையில் டான்ஸ் ஆடும் மச்சான்களுக்கு மார்க் போடுகிறார். நிகழ்ச்சியின் இறுதிப் போட்டியில் கவர்ச்சி உடையில் ஆடியும் பயமுறுத்துகிறார்.

சீரியலில் நடிங்களேன்

நமீதாவை எப்பாடு பட்டாவது சீரியலில் நடிக்க வைத்துவிட வேண்டும் என சில தயாரிப்பு நிறுவனங்களும், புதிதாக ஆரம்பிக்கப்பட்டுள்ள சேனல் ஒன்றும் முயற்சி செய்துள்ளனர்.

நோ சொன்ன நமீதா

எவ்வளவு சம்பளம் கொடுத்தாலும், என்ன ஆனாலும் சீரியலில் மட்டும் நடிக்க மாட்டேன்" என்று உறுதியாக மறுத்து விட்டாராம். நமீதா.

நிகழ்ச்சித் தொகுப்பு

நிகழ்ச்சியை தொகுத்து வழங்க வேண்டுமா, நடுவராக வரவேண்டுமா அதற்கு மட்டும்தான் ஓகே என்று சொன்னாராம் நமீதா.

மோகினி

ஆனாலும் மனம் தளராமல் நமீதாவிற்காக ஒரு ஸ்கிரிப்டை தயாராக வைத்துக்கொண்டு காத்திருக்கிறார் ஒரு இயக்குநர். சீரியலின் தலைப்பு மோகினி. ஃபேண்டசியான ஸ்கிரிப்ட்" என்கிறார் அந்த சீரியல் தயாரிப்பாளர்.

டிவி ரசிகர்களுக்கு நமீதாவை பார்க்க கொடுத்து வைத்திருக்கிறதா என்பதை பொறுத்திருந்து பார்க்கலாம்.