பாக்யலட்சுமி சீரியலில் புது செழியன் என்ட்ரி...ஆரம்பமே அமர்க்களமா இருக்கே

சீரியலில் இருந்து விலகிய ஆர்யான்

இந்த சீரியலில் கோபி - பாக்யாவின் மூத்த மகன் செழியன் கேரக்டரில் ஆரியான் நடித்து வந்தார். சீரியலில் இவரது இயல்பான நடிப்பிற்கு தனி ஃபேன்ஸ் உண்டு. ஆனால் இந்த சீரியலில் இருந்து விலகுவதாக சமீபத்தில் ஆரியான் அறிவித்தார். அதே சமயம் தான் விலகியதற்கு என்ன காரணம் என அவர் வெளியிடவில்லை. இதனால் ரசிகர்கள் மிகுந்த வேதனை அடைந்தனர்.

புது செழியன் என்ட்ரி

இந்நிலையில் ஆர்யானுக்கு பதிலாக செழியன் கேரக்டரில், ராஜபார்வை சீரியலில் நடித்த விகாஸ் சம்பத் நடிக்க உள்ளதாக அறிவிக்கப்பட்டது. இந்நிலையில் விகாஸ் என்ட்ரியாகும் எபிசோடிற்கான ப்ரோமோ தற்போது வெளியிடப்பட்டுள்ளது. இதில், ஓட்டலில் ஜெனியின் அப்பாவை சந்திக்கும் செழியனிடம், ஜெனி பணம் கேட்டதாக சொல்லி மாமனார் பணம் கொடுக்கிறார். குழப்பத்துடன் வீட்டிற்கு வந்து ஜெனியிடம் இது பற்றி சண்டை போடுகிறார். இதை கேட்க வரும் அம்மா பாக்யாவிடமும் கோபத்தை காட்டுகிறார் செழியன்.

ஆரம்பமே இப்படியா

அப்போது அங்கு வரும் எழில், செழியனின் சட்டையை பிடித்து சண்டை போடுகிறார். அந்த சமயத்தில் வீட்டிற்குள் வரும் கோபி இதை பார்த்து, ஆத்திரத்தில் கத்துகிறார். பணத்தை வைத்து தங்களால் வீட்டில் பிரச்சனை வந்து விட்டதாக பாக்யாவிடம் வேதனைபடுகிறார் கோபியின் அம்மா. இந்த ப்ரோமோவை பார்த்த ரசிகர்கள், புதிய செழியன் என்ட்ரியாகும் எபிசோடே அண்ணன்-தம்பி அடிதடி தானா. ஆரம்பமே அமர்க்களமா இருக்கே என கூறி வருகின்றனர்.

என்ன இப்படி ஆகிடுச்சு

பாக்யலட்சுமி சீரியலில் இதுவரை செழியன் -எழில் இருவரும் நல்ல நண்பர்களை போன்ற அண்ணன்- தம்பியாக பழகுவதாக ஆரம்பம் முதலே காட்டப்பட்டது. ஆனால் தற்போது சட்டையை பிடித்து சண்டை போடும் நிலைக்கு போய் விட்டார்களே என்று ரசிகர்கள் வேதனையும் தெரிவித்து வருகின்றனர்.