'கிச்சு கிச்சு' மூட்ட வரும் சிரிப்பு லோகம்!

By Mayura Akilan

| Published: Tuesday, June 12, 2012, 14:04 [IST]

ஒட்டுமொத்த நகைச்சுவை நடிகர்கள் அனைவரும் ஒன்று சேர்ந்து நடித்தால் எப்படி இருக்கும்? அதுபோல ஒரு நிகழ்ச்சி சன் தொலைக்காட்சியில் ஒளிபரப்பாக இருக்கிறது.

வெண்ணிற ஆடை மூர்த்தி, சின்னி ஜெயந்த், சிட்டிபாபு, ஆர்த்தி கணேஷ்கர் போன்ற நகைச்சுவை பட்டாளங்கள் இணைந்து நடித்துள்ளனர். இந்த நகைச்சுவை தொடரில் எமதர்மனாக சின்னி ஜெயந்த் சித்ரகுப்னாக வெண்ணிற ஆடை மூர்த்தி ஆகியோர் கலக்கியுள்ளனர். சிரிப்பு லோகம் என்று பெயர் சூட்டியுள்ள இந்த தொடர் விரைவில் ஒளிபரப்பாக உள்ளது.

அழுகை, வஞ்சகம், கள்ளக்காதல், ரியாலிட்டி ஷோ என்ற பெயரில் அடுத்தவரின் அந்தரங்கத்தை ஒளிபரப்புவது போன்றவைகளுக்கு நடுவே யாரையும் பாதிக்காத நகைச்சுவை தொடர்களுக்கு எப்போதும் வரவேற்பு உண்டு. இந்த சிரிப்பு லோகமும் நிச்சயம் வெற்றி பெறும் என்று எதிர்பார்க்கலாம்.