நிலனின் க்யூட் முகத்தால் விஜிக்கு கிடைத்த எக்ஸ்ட்ரா ஓட்டுகள்!

மகன் நிலன்:

பண்டிகை பட இயக்குநர் பெரோஸை மணந்த விஜிக்கு நிலன் என்ற ஒரு வயது மகன் இருக்கிறான். மகனைப் பிரிந்திருக்கும் விஜி, பிக் பாஸ் வீட்டில் உள்ள பிளாப்பி தலையணையைக் கட்டிப் பிடித்து தூங்குவதாக கூறியது, அவர் தன் மகன் மீது கொண்டிருக்கும் அன்பை வெளிக்காட்டுவதாக அமைந்திருந்தது.

டிவிட்டர் பதிவு:

இந்நிலையில், விஜிக்கு நேற்று திருமண நாள். பிக் பாஸ் வீட்டில் இருந்தவர்கள் அவருக்கு திருமணநாள் வாழ்த்துக்களைக் கூறினர். மனைவியைப் பிரிந்து மகனுடன் தனியே வாழ்ந்து வரும் பெரோஸும் தனது டிவிட்டர் பக்கத்தில் திருமணநாளையொட்டி புகைப்படத்துடன் ஒரு பதிவு வெளியிட்டிருந்தார்.

எக்ஸ்ரா ஓட்டுகள்:

அதில் அவர், ‘நிலன் உன்னையும், உன் அம்மாவையும் நான் மிகவும் நேசிக்கிறேன். விஜியை மிகவும் மிஸ் செய்கிறேன்' எனத் தெரிவித்திருந்தார். அந்தப் புகைப்படத்தைப் பார்த்த பலரும் நிலன் மிகவும் அழகாக இருப்பதாகத் தெரிவித்துள்ளனர். கூடவே நிலன் முகத்தைப் பார்த்தே விஜிக்கு தாங்கள் பலர் வாக்களித்ததாகவும் கூறியுள்ளனர்.

3ம் இடம்:

பிக் பாஸ் வெளியிட்ட கடைசி வாக்குகள் நிலவரப்படி விஜி மூன்றாம் இடத்தில் இருந்தார். ஆரம்பத்தில் மூன்றாம் இடத்தில் இருந்த ஜனனியை பின்னுக்குத் தள்ளி அவர் அந்த இடத்திற்கு வந்தார். இப்போது தான் தெரிகிறது விஜிக்கு அதிரடியாக எப்படி இத்தனை ஓட்டுகள் கிடைத்தது என்று.