Don't Miss!
- News ஸ்மோக் பிஸ்கட் ரொம்ப ஆபத்து.. உணவில் திரவ நைட்ரஜன் கலந்து விற்றால் நடவடிக்கை! தமிழக அரசு வார்னிங்
- Sports பட்டிதரால் தப்பித்த ஆர்சிபி.. ட்விஸ்ட் கொடுத்த உனாத்கட்.. ஐதராபாத் அணிக்கு சவாலான இலக்கு!
- Lifestyle ஜப்பான் பெண்கள் நீண்ட காலம் இளமையாகவும், அழகாகவும் இருக்க இந்த 4 ரகசிய உணவுகள்தான் காரணமாம்...!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
பலே பாலிமர்... தூக்கி நிறுத்தும் டப்பிங் சீரியல்கள்!
சென்னை: தமிழில் எத்தனையோ சேனல்கள் இருந்தாலும் நம் தாய்க்குலங்கள் விரும்பிப் பார்ப்பது ஒரு சில சேனல்களைத் தான். அதாவது நமது தாய்க்குலங்கள் மட்டுமல்ல தந்தைக் குலங்களும் விரும்பிப் பார்ப்பது சீரியல்களை மட்டும் தான். இதனை மனதில் வைத்து நேற்று வந்த புதிய சேனல்கள் கூட நல்லா கண்ணீர் விட்டு அழற மாதிரி சீரியல்களை எடுத்து காசு பார்த்து வருகின்றனர்.
காலம் காலமாக குடும்பங்களை அழவைத்து வந்த தமிழ் சீரியல்களுக்குப் போட்டியாக வடஇந்திய சீரியல்களை டப்செய்து வெளியிட்டன சில சேனல்கள். விளம்பர இடைவேளைகளில் டப்பிங் சீரியல்களை பார்த்த குடும்பத் தலைவிகள் கொஞ்சம் கொஞ்சமாக முன்னேறி தற்போது ஒரு டப்பிங் சீரியலையும் விடாமல் பார்த்து சாதனை புரிந்து வருகின்றனர். இந்த சாதனை எந்த அளவுக்கு சென்றது என்றால் டப்பிங் சீரியல்களை தடை செய்யுங்கள் என்று நமது சின்னத் திரை கலைஞர்கள் போராடும் அளவிற்கு, இந்த சீரியல்களுக்கு தங்கத் தமிழ்நாட்டில் வரவேற்பு உள்ளது.
அந்த வகையில் பாலிமர் என்ற பெயரில் ஒரு சேனல் உள்ளது எல்லோருக்கும் தெரியும் தானே அந்த சேனலைத் தூக்கி நிறுத்துவதே இந்த டப்பிங் சீரியல்கள் தான், சேனல் ஆரம்பித்து 2, 3 வருடங்கள் கடந்தும் எந்த முன்னேற்றமும் இல்லாத நிலையில் பாலிமர் ஒளிபரப்பிய சில டப்பிங் சீரியல்கள் மக்களிடம் நல்ல வரவேற்பைப் பெற இப்போது அந்த சேனலை வாழ வைத்துக் கொண்டிருப்பதே இந்த சீரியல்கள்தான்.
மொத்த சீரியல்களின் எண்ணிக்கை 10 ஐ கூடத் தாண்டாது, ஆனால் ஏராளமான ரசிக, ரசிகைகள் இந்த சீரியல்களுக்கு அடிமையாகி விட்டனர். தற்போது பாலிமரில் ஒளிபரப்பாகும் புதிய சீரியல்களான புதுபுது அர்த்தங்கள், உறவே உயிரே, இருமலர்கள் ஆகிய மூன்று சீரியல்களும் இளம்பெண்களையும் கவரும் விதத்தில் உள்ளதால், சேனலின் டி.ஆர்.பி ரேட் தொடர்ந்து அதிகரித்து வருகிறது.