பெண்களின் நிர்வாணத்திற்கு மார்க்: டேனிஷ் டிவியை எதிர்த்து போர்க்கொடி

நிர்வாண மங்கையர்

டென்மார்க்கைச் சேர்ந்த டேனிஷ் டிவியில், பெண்களின் உடல் அமைப்பை ரசிக்கும் ரியலிட்டி ஷோ ஒளிபரப்பாகிறது. அந்த நிகழ்ச்சியின்போது ஏராளமான பெண்கள் அணிவகுத்து வருகிறார்கள். ஒவ்வொருவரும் நடுவர்கள் முன்பு நிற்கின்றனர். பின்னர் மெதுவாக உடைகளைக் களைந்து நிர்வாணமாகிறார்கள்.

பார்வையாளர்களும் ரசிக்கலாம்

நடுவர்களின் பார்வைக்கு மட்டுமல்ல நிகழ்ச்சியை பார்க்க வந்திருக்கும் பார்வையாளர்கள் கண்களுக்கும் இந்த மங்கையர்களின் உடல் விருந்தாகிறது என்பதுதான் அவலம்.

ப்ரைம் டைம் நிகழ்ச்சி

இது இரவு 11 மணிக்கு ஒளிபரப்பானால் இதைப் பற்றி யாரும் பேசப்போவதில்லை. ஆனால் சிறுவர்கள் முதல் வயதானவர்கள் வரை பார்க்கும் ப்ரைம் டைமில் ஒளிபரப்பாகிறது.

உடல் அமைப்பிற்கு மார்க்

ஆடை துறந்த பெண்களின் உடல் வளைவுகளுக்கு ஏற்ப மதிப்பெண்கள் கிடைக்கிறது. ஒவ்வொருவருக்கும் பாயிண்ட் அடிப்படையில் மதிப்பெண் கிடைக்கிறது.

அசிங்கமான வர்ணனை

இந்த நிகழ்ச்சியை நடத்தும் தாமஸ் பிளாச்மேன் என்பவர் ஒரு பெண்ணைப் பார்த்து, கொஞ்சம் இந்தப் பக்கம் திரும்பி நிற்க முடியுமா என்று கேட்கிறார். அதாவது அவருக்கு அந்தப் பெண்ணின் பின்பக்கத்தைப் பார்க்க வேண்டுமாம். பிறகு அப்பெண்ணின் மார்புகள் குறித்தும்அவர் அசிங்கமாக கமெண்ட் அடிக்கிறார்.

பெண்களுக்கு இழிவு

இந்த நிர்வாண ரியாலிட்டி ஷோ டென்மார்க்கில் சலசலப்பை ஏற்படுத்தியுள்ளது. பெண்களை இழிவுபடுத்தும் ஷோ இது என்று பலரும் வசை பாடி வருகின்றனர்.

புத்திசாலித்தனமான நிகழ்ச்சி

ஆனால் இது ஆபாசமில்லை என்கிறார் நிகழ்ச்சியின் தயாரிப்பாளர். இந்த நிகழ்ச்சிக்குப் பெயர் பிளாச்மேன்தான். பிளாச்மேன் இதுகுறித்துக் கூறுகையில், மிகவும் யோசித்து இதை உருவாக்கினேன். நான் ஒரு ஜீனியஸ், முட்டாள் அல்ல என்றார்.

ஆபாசம் இல்லையாம்

இது ஆபாசமான நிகழ்ச்சி அல்ல. பெண்களின் உடல் அழகை ஆபாசம் இல்லாமல் ரசிகர்கள் முன்பு வைத்து அதன் அழகைப் போற்றுவதே இந்த நிகழ்ச்சியின் முக்கிய அம்சம் என்றும் சொல்கிறார் பிளாச்மேன்.

ஓடிப்போன தயாரிப்பாளர்

இருப்பினும் பிளாச்மேனுக்கு எதிர்ப்பு வலுத்து வருகிறது. கோபக்குரல்கள் அதிகரித்து வருகின்றன. இதனால் அவர் தற்போது நியூயார்க்குக்கு ஓடிப் போய் விட்டார்.அங்கிருந்தபடி நிகழ்ச்சியை நடத்துகிறார்.