ஏப்ரல் 14ல் புது யுகம்… 10 படம் தயாரிக்கும் வேந்தர் மூவிஸ்

ஏப்ரல் 14ம் தேதி வேந்தர் டிவியில் புது யுகம் டிவி தொடங்க உள்ளது. இதற்காக வேந்தர் மூவிஸ் 10 படங்களை தயாரிக்கிறது.

ஏ.வி.எம், விஜயா, மாடர்ன் தியேட்டர்ஸ்,தேவர் பிலிம்ஸ் போன்ற நிறுவனங்கள்தான் கடந்த காலங்களில் 4 படங்கள் வரை தயாரிப்பார்கள்.

இன்றைக்கு இருக்கும் செலவில் ஒரு படம் எடுப்பதே சிரமமான காரியம். இதில் ஒரே நேரத்தில் 10 படம் தயாரிக்கின்றனர் வேந்தர் மூவிஸ் நிறுவனத்தார்.

புதிய பட தயாரிப்பாளர்களிடம் சேட்டிலைட் ரைட்ஸ் கேட்டு மல்லுக்கட்டுவதை விட தாங்களாகவே படம் தயாரித்துவிட்டால் நல்லதுதானே என்று முடிவெடுத்துவிட்டார்கள் போல வேந்தர் டிவி நிறுவனத்தார்.

பல வெள்ளிவிழா படங்களைக் கொடுத்த கோவைத்தம்பி பர்ஸ்ட் காபி அடிப்படையில் முதல் படத்தை தயாரித்து கொடுக்கிறார்.

ஏப்ரல் மாதம் 14ம் தேதி முதல் தொடங்க உள்ள புது யுகம் (வேந்தர் டிவி) டிவிக்காக இப்போதே மும்முரமாக தயாராகி வருகின்றனர். மார்ச் 6ம் தேதி முதல் புது யுகம் டிவி சோதனை ஒளிபரப்பை தொடங்க உள்ளது.