புதுயுகம் டிவியின் நம்ம ஊரு நம்ம ருசி

நேயர்கள் பங்கேற்பு

நம்ம ஊரு நம்ம ருசி நிகழ்ச்சி தமிழகத்தின் எட்டு நகரங்களில் நடைபெற்றது. வட்டாரம் சார்ந்த உணவு வகைகளை நேயர்களை வைத்தே சமைக்கச் செய்து அவர்களில் சிறந்தவர்களை தமிழகத்தின் சமையல் சக்ரவர்த்தியாக தேர்ந்தெடுக்க வேண்டுமென்பதுதான் இந்நிகழ்ச்சியின் நோக்கம்.

சமையல் சக்கரவர்த்தி

தமிழகத்தின் பாரம்பரிய உணவு வகைகளை, அந்தந்த ஊரின் கைப்பக்குவத்தோடு சமைக்கும் 'சமையல் சக்ரவர்த்தி' யார் என்பதை கண்டறிய இந்த நிகழ்ச்சி வடிவமைக்கப்பட்டுள்ளது.

நெல்லை டூ கோவை

ஆரம்ப சுற்றுகள் திருநெல்வேலி, காரைக்குடி, வேலூர், தஞ்சாவூர், மதுரை, சேலம், கோவை, ஆகிய நகரங்களில் நடைபெற்றது.

பெண் சக்கரவர்த்திகள்

ஒவ்வொரு ஊர்களிலும் நூற்றுக்கணக்கானவர்கள் இப்போட்டியில் ஆர்வமுடன் கலந்து கொண்டார்கள்.

குழிப்பணியாரம்… ஸ்வீட் போளி

நிகழ்ச்சியில் பங்கேற்ற பெண்மணிகள் குழிப்பணியாரம், ஸ்வீட் போளி, தேங்காய் குழாய் புட்டு, கார அடை, அவியல் என சமைத்து அசத்தினர்.

சென்னையில் இறுதிப்போட்டி

ஒவ்வொரு ஊர்களிலும் முதல் மூன்று இடங்களைப் பிடித்தவர்கள் சென்னையில் நடக்கும் இறுதிப்போட்டியில் மோத இருக்கிறார்கள்.

ரசித்து ருசிங்க

'நம்ம ஊரு நம்ம ருசி' நிகழ்ச்சி சனி மற்றும் ஞாயிறு தோறும் மதியம் 1.00 மணிக்கு புதுயுகம் தொலைக்காட்சியில் ஒளிபரப்பப்படுகிறது. ரசித்து ருசிங்க என்கின்றனர் நிகழ்ச்சி தயாரிப்பாளர்கள்.