Chocolate Serial: சூப்பரா இருக்கு.. கிரியேட்டர்ஸ் விரும்பிப் பார்க்கும் டிவி சீரியல்கள்!

சன் டிவி

சன் டிவி தங்கள் சானல்களில் ரேட்டிங் கூடுதலாக பெறும் சீரியல்கள், கலர்ஃபுல்லாக.. கண்ணுக்கு குளிர்ச்சியான இடங்களில் ஷூட் செய்யப்பட்ட வேண்டும் என்பதை இப்போது வலியுறுத்த ஆரம்பித்து உள்ளது. அப்படித்தான் மாலை 7 மணிக்கு ஒளிபரப்பாகும் ரோஜா சீரியல் இருக்கிறது. அடுத்து கல்யாண வீடு சீரியல் அதாவது திருமுருகன் சீரியல்கள் என்றால் கதைக்கும் மற்ற சாதாரணமான லொக்கேஷன்களுக்கும் சன் டிவி அதிகம் கேள்வி கேட்காதபடி மாற்றங்கள் இருக்கும். இதனால் திரு பிக்சர்ஸுக்கு எந்தவிதமான விதிமுறைகளும் இல்லை.

சித்தி 2 நாயகி

நாயகி, சித்தி 2 சீரியல்கள், தயாரிப்பாளர்களின் முத்திரை பதித்த நிறுவனங்கள். இதனால், இதை பற்றியும் சன் டிவி பெரிதாக எதிர்பார்த்து எதையும் இவர்கள் மீது திணிப்பதில்லை. அதே போல கண்மணி சீரியலில் வயல் வெளிகள் என்று காண்பிக்கப்படுவதால், இதுவும் தயாரிப்பாளர் முத்திரை பதித்த நிறுவனத்தின் சீரியல், கதை நன்றாக இருந்து, ரேட்டிங்கில் இடம் பிடித்தால் ஓகேதான் என்கிற லெவலில் சன் டிவி இவர்களை எந்த விதத்திலும் வற்புறுத்துவது இல்லை.

ரன் ராசாத்தி

ரன், ராசாத்தி சீரியல்கள் அதற்கான ஒளிபரப்பு நேரத்தில் ரேட்டிங்கை தக்க வச்சுக்க அவர்கள் படும் பாடே போதும் என்று இவர்களையும் சன் டிவி எந்த விதத்திலும் நிர்பந்தம் செய்வதில்லை. மதிய நேரத்தில் ஒளிபரப்பாகும் மகராசி, சாக்லேட் ஆகிய சீரியல்களில் கொஞ்சமா சினிமா வாசனையை கொண்டு வந்து மதிய நேரத்தின் ஹைலைட் சீரியலாக இரன்டையும் கொண்டுவர சன் டிவி மும்முரமாக அறிவுறுத்தி வருகிறது. அந்த விதத்தில் சுரேஷ் கிருஷ்ணா சாக்லேட் சீரியலின் இயக்குநராக களம் இறங்கி இருக்கார்.

பெரியத்திரை சின்னத்திரை

இதனால், தொலைக்காட்சி சீரியல்கள் வாய்ப்புக்கள் வந்தாலும், அதை நல்ல விதத்தில் பயன்படுத்திக்கொண்டு, நல்ல படைப்புக்களை கொடுக்க வேண்டும் என்று பல துறைகளை சார்ந்தவர்களும் தொலைக்காட்சி சீரியல்களை பார்க்க ஆரம்பித்து இருக்கின்றனர். வாய்ப்புக்கள் சின்னத்திரை, பெரியத்திரை என்று எங்கிருந்து வேண்டுமானாலும் வரலாம். அதை எதிர்க்கொண்டு, நல்ல படைப்புக்களைத் தர தங்கள் தயாராக இருக்க வேண்டும் என்று பல துறைகளை சார்ந்த வல்லுநர்கள் நினைக்கிறார்கள்.