ரோஜா சீரியலில் பேய்க்கு வந்த சோதனை..பேயே சிரிப்பா சிரிக்குது.. வேணாம்டா முடியல!

ரோஜா

ஆயிரம் எபிசோடுக்கு மேல் சென்ற இந்த சீரியலில் நாயகனாக சிபு சூரியன் அர்ஜூன் என்ற ரோலிலும், நாயகி பிரியங்கா நல்காரி ரோஜா என்ற கதாபாத்திரத்திலும் நடித்து வருகின்றனர். இந்த சீரியலில் ஹீரோவும், ஹீரோயினியும் சந்திக்காத பிரச்சனையே இல்லை என்று சொல்லாம். எப்போது பார்தாலும் இவர்களை சுற்றியே குறிப்பாக, ரோஜாவை கொல்வதை வைத்தே கதை நகர்கிறது.

அரைச்ச மாவு

ரோஜாவுக்கு மட்டும் எங்கிருந்து தான் எதிரி வருவாங்கனு தெரியல எங்க போனாலும் சுத்தி சுத்தி அடிக்கிறாங்க. பாக்குற நமக்கே இவ்வளவு கடுப்பாகுதே அந்த ஹீரோயினை நினைச்சத்தான் பாவமா இருக்கு. அரைச்ச மாவையே அரைச்சிக்கிட்டு இருந்த நேரத்துலதான். ரோஜா கர்ப்பம்னு ஒரு சந்தோஷமான விஷயத்தை சொன்னாங்க. அடுத்தது என்ன மறுபடியும் அனு ரோஜாவின் வயிற்றில் வளரும் குழந்தையை அழிக்க நினைப்பாருனு, நாம சோதித்த அதே கதைதான்.

செம ட்விஸ்ட்

அதுல ஒரு ட்விஸ்ட் வைத்து பேய் கதையா மாத்தி இருங்காங்க. ஜெயிலுக்கு அனுப்பியதற்காக ஷாம் ரோஜாவை பழிவாங்க துடிக்கிறான். ரோஜா தனியாக காரில் வெளியே வருவதை தெரிந்த கொண்ட ஷாம் அவனுடைய கூட்டாளிகளுடன் ரோஜாவை கடத்தில் நடுக்கடலுக்கு சென்று தண்ணீரில் வீசி விடுகிறாரன். ரோஜா தப்பித்துவிடக்கூடாது என்பதற்காக ஒரு கல்லையும் அவருடன் சேர்த்து கட்டி கடலில் வீசுகிறார்கள். அங்கதான் ட்விஸ்ட் வைத்து இருக்கிறார் இயக்குநர், ரோஜாவுடன் சேர்த்து கட்டிய கல்லு சாமி கல்லாம். கொய்யால என்னமா யோசிச்சு இருக்காங்க.

பேய்க்கு வந்த சோதனை

கோவில் கோவிலான போன ரோஜாவை சாமி காப்பாத்தாம இருக்குமா... நடுக்கடலில் சுவிம்மிங்க போட்டு ரோஜா எப்படி வந்தாருனு கடவுளுக்குத்தான் தெரியும். ஆனால், வந்ததுமே பேயாட்டம் ஆடி வருகிறார். காத்துல மூடும் ஜன்னல்... நீளமான தலை முடி.. கரண்ட் போய் போய் வருது.. அப்போ அது கன்ஃபாமா பேய்தான் என ஆடியன்ஸ் மனசை தேற்றிக்கொண்டார்கள். இருந்தாலும், இது சந்திரமுகி பேயா? அருந்ததி பேயா? இல்லை அரண்மனை பேயா? என்று, கேட்டும் இது பேய்க்கு வந்த சோதனை காலம், இந்த சீரியலை பேய் பார்த்தா சிரிப்பா சிரிக்குது என்றும் ரசிகர்கள் கிண்டலடித்து வருகின்றனர்.