என்னது எம்ஜிஆர் செத்துட்டாரா? இந்திரா காந்தியை சுட்டுட்டாங்களா?

காதல் உணர்வு ஜெயிக்கும்

சரவணனுக்கு பழைய சம்பவங்களை நினைவு படுத்தினால் மீனாட்சியின் ஞாபகம் வந்து விடும் என்று டாக்டர்கள் கூறியுள்ளனர். ஆனால் அதை தான் செய்யப்போவதில்லை என்று மீனாட்சி உறுதியாக இருக்கிறாள். காரணம் உண்மையான உணர்வு ஜெயிக்கும். அது சரவணனுக்கு தன்னை அடையாளம் காட்டும் என்கிறாள் மீனாட்சி.

குயிலி அட்டகாசம் தாங்கலையே….

சரவணனின் அம்மாவான குயிலி, மூன்றாம் பிறை கமல் போல நடிப்பது கொஞ்சம் ஓவர்தான். ஆனால் நேற்று விஸ்வரூபம் கமல் போஸ்டரை காண்பித்து இது யார் என்று கேட்க அது சிவாஜி என்று கூறுகிறார் சரவணன்.சிவாஜிதான் செத்துட்டாரேப்பா என்று சரவணனின் அப்பா ராபர்ட் ராஜசேகர் கூற என்னது சிவாஜி செத்துட்டாரா? என்று கேட்டு சரவணன் கொடுக்கும் ரியாக்சன் செம காமெடி( இது ஏற்கனவே நகொபகா பட டயலாக் காப்பிதான்).

அதைத் தொடர்ந்து எம்.ஜி.ஆர், இந்திரா காந்தி, கட்டபொம்மன் வரைக்கு ரீவைண்ட் போகிறார் சரவணன். சரவணனுக்கு நினைவூட்டல் சம்பவங்கள்தான் கடந்த இரண்டு நாட்களாகவே நடந்து கொண்டிருக்கிறது. இதில் அலுவலக நண்பர்கள் வந்து நடனம் ஆடியும் எந்த நினைவும் வரவில்லை. அது எப்படி மீனாட்சியை தெரியாமல் மீனாட்சியின் அப்பா, அண்ணன் ஆகியோரை அடையாளம் தெரிகிறது என்று தெரியவில்லை.

கதையை கொண்டு போக தெரியலையா?

350 எபிசோடு வரை போயாகிவிட்டது. சரவணன் மினாட்சி திருமணம், அக்கா அண்ணன் திருமணம் வரை விறுவிறுப்பாக ஜாலியாக போன தொடர் இப்போது நொண்டியடிக்க ஆரம்பித்துவிட்டது. கதையை நகர்த்தத் தெரியாமல் கஷ்டப்பட வேண்டாம் டைரக்டர் சார். மக்களின் ரசனை மாறும் முன்பே சீக்கிரம் சீரியலை முடிச்சிருங்க