சீரியலில் இருந்து காணாமல் போகும் கதாநாயகிகள்!

பைரவி ராதா

பைரவி தொடர் சன் டிவியில் ஞாயிறு இரவு ஒளிபரப்பாகிறது. இந்த தொடரில் முதலில் நடித்த நாயகி சுந்தராபுரம் ராதா. முதன் முதலாக இந்த சீரியலில்தான் நடித்தார் அப்புறம் திடீரென காணாமல் போனார்.

சுஜிதா காணலையே

அதே பைரவியில் ராதாவிற்குப் பதில் நடிகை சுஜிதா நடித்தார். இவர் ஏற்கனவே சன் டிவியில் மருதாணி தொடரில் நடித்து வருகிறார். அப்புறம் என்ன பஞ்சாயத்தோ சுஜிதாவையும் காணலை. இப்போது யாரோ ஒரு சீரியல் நடிகை நடிக்கிறார். ( ஆவி தொடர் என்பதால் அடிக்கடி ஆள் மாறுகின்றனரோ என்னவோ?)

சொந்த பந்தம் – சந்திரா லட்சுமணன்

சன் டிவியில் காலை 11 மணிக்கு ஒளிபரப்பாகும் சொந்த பந்தம் தொடரின் கதாநாயகியும் மாறிவிட்டார். முதலில் சந்திரா லட்சுமணன்தான் இந்த தொடரின் நாயகி இப்போது அவரை தூக்கிவிட்டு அம்முவாகிய நான் பட நாயகி பாரதியைப் போட்டு விட்டார்கள்.

முத்தாரம் - தேவயானி

அதேபோல 12.30 மணிக்கு முத்தாரம் தொடரில் இரட்டை வேடத்தில் நடித்த தேவயாணி எந்த அறிவிப்பும் இல்லாமல் காணமல் போனார். அவருக்குப் பதில் விஜயலட்சுமி நடித்து வருகிறார்.

வாணி ராணி-காயத்ரி

வாணி ராணி தொடரில் முதலில் ராதிகாவின் தம்பி மனைவி கதாபாத்திரத்தில் நடித்தவர் காயத்ரி. இரண்டே எபிசோடுகள்தான் நடித்தார் என்ன ஆயிற்றோ அவருக்குப் பதில் வேறொரு பெண் நடித்து வருகிறார்.

ஒவ்வொரு சீரியலும் கிட்டத்தட்ட ஆயிரம் எபிசோடுகள் வரை போகிறது. அதற்குள் இன்னும் எத்தனை கதாநாயகிகள் மாறுவார்களோ தெரியலையே?