மெகா டிவியில் கோடை சிறப்பு பட்டிமன்றம்!

தமிழ்நாட்டு தொலைக்காட்சிகள் எல்லாம் கோடை விடுமுறையை சிறப்பாக கொண்டாடுகின்றன. சிறப்பு திரைப்படம், கேம் ஷோ என்று ஸ்பான்சர் பிடித்து ஒளிபரப்புகின்றன. கார்ட்டூன் சேனல்கள் கேட்கவே வேண்டாம் காலை முதல் மாலை வரை நிகழ்ச்சியை பார்த்து கேள்விகளுக்கு பதிலளிக்கும் குட்டீஸ்களுக்கு சிறப்பு பரிசுகள் வேறு அளிக்கின்றன.

ஆனால் கோடை விடுமுறையில் வித்தியாசமாக யோசித்திருக்கிறது மெகா டிவி. தினம் ஒரு பட்டிமன்றம் ஒளிபரப்பி நகைச்சுவை ரசிகர்களை தங்கள் பக்கம் ஈர்த்து வருகிறது.

சமூக சேவை செய்ய தேவை பணமா? மனமா? என்ற தலைப்பில் இன்றைக்கு இரவு 8 மணிக்கு பட்டிமன்றம் ஒளிபரப்பாகிறது.

நடுவராக ராஜா பங்கேற்கிறார். பட்டிமன்றத்தில் ராஜா பேசுகிறார் என்றாலே ஒரு எதிர்பார்ப்பு இருக்கும். இன்றைய பட்டிமன்றத்தில் நடுவரே ராஜா என்பதால் ரசிகர்களுக்கு கூடுதல் எதிர்பார்ப்புதான்.