இந்திய தொலைக்காட்சிகளில் முதல் முறையாக.. என்ன படம் வேணும் ஓட்டு போடுங்க! அசத்தும் சன்டிவி!

மக்களின் விருப்பப்படி

எந்த சேனல் என்ன படம் போட்டாலும் விசேஷ நாட்களில் சன்டிவில் படம் பார்த்தால்தான், படத்தை பார்த்த திருப்தி இருக்கும் என்று கூறிய காலமெல்லாம் உண்டு. இந்நிலையில் மக்களின் விருப்பப்படி திரைப்படத்தை ஒளிபரப்ப முடிவு செய்திருக்கிறது சன்டிவி.

சிறப்பு திரைப்படம்

அதற்காக தனது டிவிட்டர் பக்கத்தில் வாக்கெடுப்பையும் நடத்தியிருக்கிறது. அதாவது வரும் அக்டோபர் 2ஆம் தேதி காந்தி ஜெயந்தி தினத்தன்று அனைத்து டிவி சேனல்களும் சிறப்பாக ஒரு திரைப்படத்தை ஒளிபரப்ப முடிவு செய்திருக்கின்றன.

இரண்டு ஆப்ஷன்கள்

அந்த வகையில் சன்டிவியும் சிறப்புத் திரைப்படத்தை ஒளிப்பரப்ப இருக்கிறது. ரஜினிகாந்தின் படத்தை ஒளிபரப்ப முடிவு செய்துள்ள சன் டிவி, உங்களுக்கு எந்த படம் வேண்டும் என்று இரண்டு ஆப்ஷன்களை கொடுத்துள்ளது.

முத்து அன்ட் கபாலி

அதாவது முதல் முறையாக நீங்கள் சன்டிவியில் பார்க்க விரும்பும் படத்தை நீங்களே சூஸ் பண்ணலாம் என்றும் உங்களுடைய ஃபேவரைட் சூப்பர் ஸ்டார் படத்துக்கு வோட் பண்ணி அக்டோபர் 2ஆம் தேதி சன் டிவியில பாருங்க. எந்த படம் அதிக ஓட்டுகளை அள்ளுகிறதோ அந்த படம் அக்டோபர் இரண்டாம் தேதி ஒளிபரப்பாகும் என தெரிவித்து, ரஜினியின் கபாலி மற்றும் முத்து படத்தை ஆப்ஷன்களாக கொடுத்துள்ளது சன் டிவி.

முத்துக்கே ஓட்டு

இந்த வாக்கெடுப்பில் இதுவரை முத்து படத்திற்கே அதிகம் பேர் வாக்களித்துள்ளனர். மேலும் பலர் படையப்பா படம் போடுங்க என்றும் கோரிக்கை விடுத்து வருகின்றனர்.