7 வயதில் கின்னஸ் ரெக்கார்ட்... அபியும் நானும் சிறுவனின் வேற லெவல் சாதனை!

அபியும் நானும் தொடர்

சன் டிவியில் பல தொடர்கள் ரசிகர்களின் விருப்பத்திற்குரியவையாக இருந்தாலும் அபியும் நானும் தொடர் இந்த வரிசையில் மிகவும் முக்கியமானவையாக உள்ளது. காரணம் மற்ற தொடர்களை போல இல்லாமல் இந்த தொடர் குழந்தைகளை மையமாக கொண்டு ஒளிபரப்பாகி வருகிறது.

குறும்பான முகிலன் கேரக்டர்

இந்தத் தொடரில் ரியா மனோஜ், வித்யா மோகன் உள்ளிட்டவர்கள் நடித்து வருகின்றனர். இந்தத் தொடரை பார்ப்பவர்கள் கண்டிப்பாக குழந்தைகளின் உலகத்தை சென்று பார்த்து வரலாம். அந்த அளவில் அவர்களின் குறும்புத்தனங்கள் அதிகமாக காண்பிக்கப்பட்டு வருகின்றன. தொடரில் முகிலின் பாட்டியாக வருபவரும் தன்னுடைய பேரனுக்கு அதிகமாக பாசத்தை அளிப்பராக நடித்துள்ளார்.

ரசிகர்களின் விருப்பம்

இந்தத் தொடரில் மீனா மற்றும் சிவாவின் குறும்புக்கார மகனாக நடித்து வருகிறார் நித்தீஷ். இந்தத் தொடரில் இவரது கேரக்டர் பெயர் முகிலன். இவர் இவர்கள் வீட்டிற்கு வரும் அபியை வெளியேற்ற செய்த சேட்டைகள் ரசிகர்களின் முக்கியமாக குழந்தைகளையும் கவரும் வகையில் அமைந்திருந்தது.

இன்ஸ்டாகிராம் ரீல்ஸ்

இதில் முகிலன் சோசியல் மீடியாவிலும் சிறப்பாக செய்லபட்டு வருகிறார். மிமிக்ரி, டைமிங் காமெடி என்று இந்த வயதிலேயே பட்டையை கிளப்பி வருகிறார். மாடலாகவும் இருக்கும் நித்தீஷ், அந்த தொடரின் நடிகர்களுடன் இணைந்து இன்ஸ்டாகிராமில் செய்யும் ரீல்ஸ்கள் இணையதளத்தை அனைவரையும் கவர்ந்து வருகிறது.

கின்னஸ் சாதனை

இந்நிலையில் 7 வயதாகும் நித்தீஷ், 60 நொடிகளில் 60 கார்ட்டூன் கதாபாத்திரங்களின் பெயர்களை வேகமாக கூறி கின்னஸ் சாதனை புத்தகத்தில் இடம்பிடித்துள்ளார். இதுகுறித்து சன் டிவி தனது ட்விட்டர் பக்கத்தில் மகிழ்ச்சிப்பதிவு செய்துள்ளது. இதனிடையே கார்ட்டூன் என்றால் தனக்கு மிகவும் பிடிக்கும் என்றும் சாதனை செய்தால்தான் பெரிய ஆளாக முடியும் என்றும் நித்திஷ் தெரிவித்துள்ளார்.