சன் டிவியில் வாழ்க்கை கோயில்கள்: புதிய ஆன்மிகத் தொடர்

சன் தொலைக்காட்சியின் ஆன்மிகப் பயணம் அதிகரித்துவிட்டது. முதலில் எல்லாம் கோயில், சாமியார், சாமி என்று போட்டு தாக்குவார்கள். தற்போது தெய்வ தரிசனம், நிஜம், வரிசையில் புதிய ஆன்மிகத் தொடரை சனிக்கிழமை முதல் தொடங்கியுள்ளனர்.

வாழ்க்கைக் கோயில்கள் என்ற தொடர் மூலம் பக்தர்கள் தங்கள் வாழ்க்கையில் வளம் பெறுவதற்காக எந்தெந்த கோயில்களுக்கு செல்கின்றனர். அந்த கோயிலில் என்ன சிறப்பு என்பதைப் பற்றியும் அந்த நிகழ்ச்சியில் தெரிவிக்க உள்ளனர். முதல் நிகழ்ச்சியாக திருப்பம் தரும் திருமலை ஒளிப்பரப்பாகிறது. வாரந்தோறும் சனிக்கிழமை காலை 8 மணிக்கு ஒளிபரப்பாகும் வாழ்க்கை கோயில்கள் நேயர்களுக்கு பக்தி விருந்தாக இருக்கும் என்ற எதிர்பார்ப்பு எழுந்துள்ளது.

சொல்ல முடியாது, சன் டிவி தனியாக பக்தி சேனல் ஆரம்பித்தாலும் சொல்வதற்கில்லை.