குண்டு உடம்பை ஒல்லியாக்கி நடிக்க வரும் சொர்ணமால்யா!

இளமை புதுமை

சன் தொலைக்காட்சியில் இளமை புதுமை நிகழ்ச்சியில் தொகுப்பாளினியாக அறிமுகமானவர் சொர்ணமால்யா. டிவி தொகுப்பாளினிகளில் இவருக்கென்று தனி ரசிகர் வட்டம் இருந்தது.

அலைபாயுதே அக்கா

மணிரத்னம் இயக்கிய அலைபாயுதே படத்தின் மூலம் சினிமாவுக்கு வந்தார். அதில் ஹீரோயின் அக்காவாக நடித்தார். தொடர்ந்து வந்தவை எல்லாம் தங்கை, தோழி கதாபாத்திரங்கள்தான்.

கவர்ச்சி கலக்கல்

எங்கள் அண்ணா, மொழி, வெள்ளித்திரை படங்ளில் முக்கிய கேரக்டரில் நடித்தார். சாரி எனக்கு கல்யாணமாயிடுச்சு, அழகு நிலையம் படங்களில் படு கவர்ச்சியாக நடித்தவர் அதற்கு பிறகு சினிமா, டி.வியை விட்டு ஒதுங்கினார்.

நாககண்ணி

3 வருட இடைவெளிக்கு பிறகு சின்னத்திரையில் தங்கம் சீரியலில் நாககண்ணிகையாக நடித்து அச்சுறுத்தினார். கலைஞர் டிவி, விஜய் டிவியில் நிகழ்ச்சிகளைத் தொகுத்து வழங்கினார் சொர்ணமால்யா. இப்போது மீண்டும் சினிமா பக்கம் கவனம் செலுத்த தொடங்கி விட்டார்.

ஸ்லிம் சொர்ணா

தனது குண்டான உடம்பை இப்போது குறைத்துள்ள சொர்ணமால்யா இனி தொடர்ந்து அக்கா, அண்ணி வேடங்களில் தீவிரமாக நடிக்க முடிவு செய்திருக்கிறார். வி.டி.வி கணேஷ் தயாரித்து நடிக்கும் இங்க என்ன சொல்லுது படத்திலும், புலிவால் படத்திலும் முக்கிய கேரக்டரில் நடித்து வருகிறார். அதிக சினிமா வாய்ப்புகள் வந்தால் சின்னத்திரையை விட்டுவிட முடிவு செய்திருக்கிறார்.