தமிழ்நாட்டிலேயே நம்பர் ஒன் சீரியல் இது தானாம்... ரேட்டிங்கை கேட்டா மிரண்டு போய்டுவீங்க

சீரியல்கள் இடையே கடும் போட்டி

விஜய் டிவி.,யில் அதிக ரேட்டிங்கை பெற்று, முதலிடத்தை பிடிக்க பாண்டியன் ஸ்டோர்ஸ் மற்றும் பாரதி கண்ணம்மா சீரியல்கள் இடையே கடும் போட்டி நிலவி வருகிறது. சமீபத்தில் பாண்டியன் ஸ்டோர்ஸ் சீரியலில் லட்சுமி அம்மா இறந்த சீன் ஒரு வாரம் ஒளிபரப்பப்பட்டது. சென்டிமென்ட், சஸ்பென்ஸ் அதிகமாக இருந்தாலும் அதையும் சினிமாதனம் இல்லாமல் இயல்பாக நடப்பதை போல் காட்டியிருந்தனர். நிஜத்தில் நடப்பதை போன்றே சடங்குகள் நடத்தப்பட்டன.

வாழ்த்துக்களை குவித்த ரசிகர்கள்

இதை பார்த்து விட்டு பாண்டியன் ஸ்டோர்ஸ் சீரியலின் டிவி ரேட்டிங், எங்கேயோ சென்று விட்டது. டிவி ரேட்டிங்கில் அதிகபட்சமாக 9.6 புள்ளிகளைப் பெற்று முதலிடத்தை பிடித்தது. இதற்கு ரசிகர்கள் வாழ்த்துக்களை குவித்தனர். இதையடுத்து பாண்டியன் ஸ்டோர்ஸ் சீரியலுக்கு இருக்கும் வரவேற்பு அதிகரித்தது.

இது தான் நம்பர் ஒன்

இந்நிலையில் லேட்டஸ்டாக விஜய் டிவி மட்டுமல்ல, தமிழ்நாட்டிலேயே மெகா சீரியல்களில் அதிக ரேட்டிங்கை பெற்று, முதலிடம் பிடித்த டிவி சீரியல் எது என்ற விபரம் வெளியிடப்பட்டுள்ளது. தமிழ்நாட்டிலேயே முதலிடத்தை பிடித்துள்ள சீரியல் வேறு எதுவும் இல்லை, விஜய் டிவி.,யில் ஒளிபரப்பாகும் பாரதி கண்ணம்மா சீரியல் தானாம்.

இவ்வளவு ரேட்டிங்கா

இதுவரை இல்லாத அளவாக முதல் முறையாக பாரதி கண்ணம்மா சீரியல் 11.6 டிவி ரேட்டிங்கை பெற்றுள்ளது. இது அனைவரையும் ஆச்சரியப்பட வைத்துள்ளது. பாரதி கண்ணம்மா சீரியல் ரசிகர்கள் இந்த டீமிற்கு வாழ்த்துக்களை குவித்து வருகிறார்கள்.

மாற்றப்பட்ட கண்ணம்மா

பாரதி கண்ணம்மா சீரியலில் சமீபத்தில் தான் ரோஷினி ஹரிபிரியனுக்கு பதில் வினுஷா கண்ணம்மா ரோலில் மாற்றப்பட்டார். ரோஷினி தான் சீரியல் முழுவதும் நடிக்க வேண்டும். புதிய கண்ணம்மாவை ஏற்க முடியவில்லை என பலர் கூறி வந்தவர். புதிய கண்ணம்மாவின் வருகையால் இந்த சீரியலின் டிஆர்பி பெரிய அளவில் சரியும் என பலர் வேதனை தெரிவித்தனர்.

கொண்டாடும் டீம்

புதிய கண்ணம்மாவின் வருகைக்கு பிறகும் விறுவிறுப்பு, த்ரில்லிங் குறையாமல் இந்த சீரியலை கொண்டு சென்றனர். இதன் பலனாக அனைவரின் கருத்தையும் பொய்யாக்கி இந்த சீரியல் நம்பர் ஒன் இடத்திற்கு வந்துள்ளது. இதனை பாரதி கண்ணம்மா டீம் கொண்டாடி வருகின்றனர்.