தொகுப்பாளினி மோனிகாவிற்கு ஆண் குழந்தை!

சின்னத்திரை தொகுப்பாளினி மோனிகா சின்ன இடைவெளிக்குப் பின் மீண்டும் டிவியில் தலைகாட்டி வருகிறார். இந்த இடைவெளிக்குக் காரணம் அவருக்கு ஆண் குழந்தை பிறந்துள்ளதுதானாம்.

சன் டிவியில் வானிலை அறிக்கை சொன்ன மோனிகா, சன் குழும சேனல்களில் பல நிகழ்ச்சிகளை தொகுத்து வழங்கினார்.சினிமாவிலும் சின்னச் சின்ன கதாபாத்திரங்களில் தலைகாட்டிய அவர் காதல் திருமணம் செய்து கொண்டு செட்டில் ஆனார். இருந்தாலும் டிவி நிகழ்ச்சித் தொகுப்பை கைவிடவில்லை.

திடீரென்று ஆறுமாதங்களுக்கு மேலாக சின்னத்திரையில் தலை காட்டாமல் இருந்த மோனிகா தற்போது மீண்டும் தொகுப்பாளினியாக வலம் வரத்தொடங்கியுள்ளார். ஏன் இந்த இடைவெளி? என்று கேட்டால் ஓர் ஆண் குழந்தை பிறந்திருப்பதுதான் காரணமாம். ஆறுமாத காலம் குழந்தையுடன் நேரம் செலவழித்த மோனிகா தற்போது தொகுப்பாளினி அவதாரம் எடுத்துள்ளார். குழந்தைக்கு என்ன பெயர் என்று கேட்டால் ஜேடன் என்று கூறுகிறார் மோனிகா. ஜேடன் என்றால் நன்றியுடைய என்று அர்த்தமாம். நல்ல பெயர்தான்.