Click it and Unblock the Notifications
டிவி நிகழ்ச்சி தொகுப்பாளினிகளின் சம்பளம் ஜாஸ்தியாயிருச்சாமே?
சென்னை: சேட்டிலைட் சேனல்களில் நிகழ்ச்சிகளை தொகுத்து வழங்கும் தொகுப்பாளினிகளுக்கு சேனல்கள் வழங்கும் சம்பளம் என்னவோ குறைவுதான்.
ஆனால் சினிமா ஆடியோ ரிலீஸ், பொதுநிகழ்ச்சிகளை தொகுத்து வழங்க வாங்கும் சம்பளமோ மிக மிக அதிகம்.
நட்சத்திர டிவி சேனலின் காபி நிகழ்ச்சி தொகுப்பாளினிதான் இன்றைய தேதிக்கு நிகழ்ச்சியை தொகுத்து வழங்குதவதற்கு அதிக சம்பளம் வாங்குகிறவரவராம். அவர் ஒரு நிகழ்ச்சிக்கு 60 ஆயிரம் முதல் 75 ஆயிரம் வரை வாங்குகிறாராம்.
அடுத்த இடத்தில் பாடல் ரியாலிட்டி ஷோ தொகுப்பாளினி இருக்கிறார். இவர் 35 ஆயிரம் ரூபாய் வாங்குகிறார். நட்சத்திர சேனலின் ரம்யமான தொகுப்பாளினி 25 ஆயிரம் முதல் 30 ஆயிரம் வரை வாங்குகிறார்.
சூர்ய டிவியின் அழகு தொகுப்பாளினியின் சம்பளமும் இருமடங்காகிவிட்டதாக தகவல்கள் வெளியாகியுள்ளன.
மற்ற தொகுப்பாளினிகளின் சம்பளம் 5 ஆயிரத்தில் தொடங்கி 20 ஆயிரம் வரை. ஆண் தொகுப்பாளர்களுக்கு 10 ஆயிரம் முதல் 20 ஆயிரம் வரைதான்.
இந்த சம்பளம் சினிமா நிகழ்ச்சிகளுக்கு மட்டும்தான். மற்ற கமர்ஷியல் நிகழ்ச்சிகள் என்றால் இன்னும் கூடுதலாக இருக்கும். காரணம் சினிமா நிகழ்ச்சிகள் தொலைக்காட்சிகளில் ஒளிபரப்பாகும். மற்ற நிகழ்ச்சிகள் ஒளிபரப்பாகாது.
வெளியூர் நிகழ்ச்சிக்கென்றால் சம்பளம் அப்படியே இரண்டு மடங்காகிவிடும். முதல் வகுப்பு கட்டணம், தங்குவதற்கு நட்சத்திர ஓட்டல் இதெல்லாம் தனியாக கொடுத்துவிட வேண்டுமாம்.
மாதிரி உடைகள் அணிய வேண்டும் என்பதை முன்கூட்டியே சொல்லிவிட வேண்டும். அதற்குரிய உடைகளை கொடுத்துவிட வேண்டும், அவர்களே அணிந்து வந்தால் அதற்குரிய கட்டணம் செலுத்த வேண்டும்.
உடன் வரும் உதவியாளர் மற்றும் மேக்அப்மென் சம்பளம் ஆகியவற்றையும் கொடுக்க வேண்டும். ஒரு மாதம், அல்லது ஒரு வாரத்துக்கு முன்பே புக் செய்து 50 சதவிகித சம்பளத்தை அட்வான்சாக கொடுத்து விடவேண்டுமாம். எந்த இப்படி ஏகப்பட்ட நிபந்தனைகளும் உண்டு என்கின்றனர் சின்னத்திரை வட்டாரங்களில்.
Continue with Google