3 சேனல்களில் இவர் படமே…. விஜய்க்கே போட்டியான விஜய்!

மாட்டுப்பொங்கல் தினத்தில் பிரபல சேனல்களில் எல்லாம் விஜய் படம்தான். எந்த படத்தை பார்ப்பது? விஜய் ரசிகர்களுக்கு இது சந்தோசமான சமாச்சாரம்தான் என்றாலும் எந்த படத்தை பார்ப்பது என்பதில்தான் குழப்பமாகிப் போனது.

பொங்கல் பண்டிகையை ஒட்டி சிறப்பு நிகழ்ச்சிகள் தொலைக்காட்சிகளில் ஒளிபரப்பாகிவருகின்றன. சில செய்தி சேனல்களில் ஜல்லிக்கட்டு ஒளிபரப்பானாலும் சன், கலைஞர், விஜய், ஜீ போன்ற தொலைக்காட்சிகளில் காலை 11.30 மணிக்கு திரைப்படங்களை ஒளிபரப்பினார்கள்.

இதில் மூன்று முக்கிய சேனல்களில் நடிகர் விஜய் நடித்த திரைப்படங்கள் ஒளிபரப்பானது. சன் டிவியில் விஜய் அனுஷ்கா நடித்த 'வேட்டைக்காரன்' ஒளிபரப்பானது.

கலைஞர் டிவியில் விஜய் திரிஷா நடித்த 'குருவி' திரைப்படம் ஒளிபரப்பானது. இந்த படத்தை பலமுறை ஒளிபரப்பிவிட்டனர். இருந்தாலும் போட்டிக்கு ஒளிபரப்பவேண்டுமே? அதான்... குருவி போட்டுவிட்டனர். ஆனால் விஜய் டிவியில் 'நண்பன்' ஒளிபரப்பினார்கள். ஒரே நேரத்தில் பிரபல சேனல்களில் விஜய் படங்கள் ஒளிபரப்பானது விஜய் ரசிகர்களுக்குத்தான் திண்டாட்டமாகிப் போய்விட்டது.