சூப்பர்ஸ்டார் பிறந்தநாள்: டிவியில் எங்கெங்கு காணினும் ரஜினி....

Published: Thursday, December 12, 2013, 16:13 [IST]

இன்று சூப்பர்ஸ்டார் ரஜினியின் 64வது பிறந்தநாள். ஒவ்வொருவரும் ஒவ்வொரு வகையில் அவரது பிறந்தநாளுக்கு வாழ்த்துக்களைத் தெரிவித்துக் கொண்டாடிக் கொண்டிருக்க, தமிழ்த் தொலைக்காட்சிகள் அனைத்தும் சொல்லி வைத்த மாதிரி ரஜினியின் சூப்பர் திரைப்படங்களை ஒளிபரப்பி கொண்டாடிக் கொண்டிருக்கின்றன.

வேலைகள் முடிந்து மதிய நேர ஓய்வை டிவியைப் பார்த்தபடியே கழிக்கலாம் என டிவியை ஆன் செய்த குடும்பத் தலைவிகளுக்கு இன்ப அதிர்ச்சி. எந்த படத்தைப் பார்ப்பது, எதை விடுவது என திக்கு முக்காடிப் போயிருக்கிறார்கள்.

காரணம் எல்லா தமிழ்ச் சேனல்கலிலும் சூப்பர்ஸ்டாரின் முத்துக்கு முத்தான தமிழ்ப் படங்கள்.

சன் டிவியில் படிக்காதவன்...

ரஜினியின் பிறந்தநாளைக் கொண்டாடும் வகையில், கடந்த திங்கள் முதலே சன் டிவியில் இரவுக் காட்சிகளாக சூப்பர்ஸ்டாரின் ஸ்பெஷல் என ரஜினியின் படங்களைத் தான் ஒளிபரப்பிக் கொண்டிருக்கிறார்கள். இன்றைய மதிய நேரத்து படமாக, ரஜினியின் படிக்காதவன் படத்தை ஒளிபரப்பி உள்ளனர்.