முகப்பு

தொலைக்காட்சி

Recommended Video

சென்னை: நோட்டா பட விளம்பரத்திற்காக பிக் பாஸ் வீட்டிற்குள் சென்றுள்ளார் நடிகர் விஜய் தேவர்கொண்டா.

பிக்பாஸ் சீசன் 2 நிகழ்ச்சி நாளையுடன் நிறைவடைய இருக்கிறது. டைட்டிலை வெல்லப்போவது யார் என்ற ஆவல் பார்வையாளர்களிடம் அதிகமாக உள்ளது.

தற்போது பிக் பாஸ் வீட்டில் ரித்து, ஐஸ், விஜி மற்றும் ஜனனி என நான்கு போட்டியாளர்கள் மட்டுமே உள்ளனர். நேற்று பழைய போட்டியாளர்கள் அனைவரும் ஒன்றாக சேர்ந்து பிக் பாஸ் வீட்டிற்கு வந்து ஆடிப்பாடி, விருந்து சாப்பிட்டு சென்றனர்.

இந்நிலையில், இன்று பிக் பாஸ் வீட்டிற்கு ஒரு நடிகர் விருந்தினராக வந்திருக்கிறார். அவர், அர்ஜூன் ரெட்டி மூலம் பிரபலமான நடிகர் விஜய் தேவர்கொண்டா.

தமிழில் இவர் நோட்டா என்ற படம் மூலம் அறிமுகமாகிறார். கடந்த சில தினங்களுக்கு முன்னர் இப்படத்தின் இசை வெளியீட்டு விழா சென்னையில் நடைபெற்றது. அப்பட புரோமோசனுக்காகவே அவர் பிக் பாஸ் வீட்டிற்கு வந்திருப்பார் எனத் தெரிகிறது.

அதிக போட்டியாளர்களுடன் கலகலப்பாக இருந்த வீட்டில் தற்போது நான்கு போட்டியாளர்கள் மட்டுமே இருப்பதால் பிக் பாஸ் வீடு அமைதியாக இருக்கிறது. இது போன்ற விருந்தினர்களின் வருகையால் மட்டுமே வீடு கலகலப்பாக மாறுகிறது.

அந்தவகையில், விஜயின் வருகை போட்டியாளர்களை மகிழ்ச்சி அடைய வைத்துள்ளது.