தரமான சம்பவத்திற்கு உத்தரவாதம் தரும் குக் வித் கோமாளி நிகழ்ச்சி... புதிய பிரமோ வெளியீடு

குக் வித் கோமாளி சீசன் 3 நிகழ்ச்சி

விஜய் டிவியின் குக் வித் கோமாளி நிகழ்ச்சியின் சீசன் 3 நேற்று முதல் துவங்கியுள்ளது. இந்த நிகழ்ச்சியின் புதிய குக்குகள், கோமாளிகளை அறிமுகப்படுத்தும் நிகழ்ச்சி நேற்றைய தினம் நடைபெற்றது. புதிய கோமாளிகளுடன், நிகழ்ச்சி களைகட்டியது.

ரசிகர்கள் கொண்டாட்டம்

முதல் நாளிலேயே ரசிகர்களின் கொண்டாட்டத்திற்குரிய நிகழ்ச்சியாக இந்த நிகழ்ச்சி அமைந்தது. மனோபாலா, ரோஷினி, அம்மு அபிராமி, ஷ்ருதிகா, பரத், அந்தோணி தாசன், மூக்குத்தி முருகன், குரேஷி, வெட்டுக்கிளி பாலா, ஷிவாங்கி, மணிமேகலை உள்ளிட்டவர்கள் இந்த நிகழ்ச்சியில் பங்கேற்கவுள்ளனர்.

உற்சாக துவக்கம்

மொத்தம் 70 எபிசோடுகள் இந்த நிகழ்ச்சியில் திட்டமிடப்பட்டுள்ளது. நேற்றைய தினம் முதல் எபிசோட் மிகுந்த உற்சாகத்துடன் துவங்கப்பட்டுள்ளது. இதையொட்டி ஆட்டம், பாட்டம் என நிகழ்ச்சி களைகட்டியது. ரசிகர்களுக்கு ஃபன் ஃபில்ட் நிகழ்ச்சியாக இந்த நிகழ்ச்சி துவங்கியுள்ளது.

வேற லெவல் கோமாளிகள்

நிகழ்ச்சியின் கோமாளிகள் வேற லெவலில் காணப்படுகின்றனர். குக்குகளும் தாங்கள் எந்த விதத்திலும் சளைத்தவர்கள் இல்லை என்பதை முதல் எபிசோடிலேயே நிரூபித்துள்ளனர். என்டர்டெயின்மெண்டில் நாங்களும் கலந்துப்போம்ல என்று வரிந்துக்கட்டிக் கொண்டு செஃப்களும் களமிறங்கியுள்ளனர்.

கத்திரிக்காய் காமெடி

இந்நிலையில் இந்த நிகழ்ச்சியின் இன்றைய பிரமோவை விஜய் டிவி வெளியிட்டுள்ளது. அதில் கத்திரிக்காய் தொக்கை கொக்கு என்று பரத் கூறுவதும் கடுப்பான வெங்கடேஷ் பட் அவரை அடிக்க பாய்வதும் என காட்சிகள் சிறப்பாக காணப்படுகின்றன.

சிறப்பான பிரமோ வெளியீடு

இந்த சீசனில் சிறப்பான என்டர்டெயின்மெண்டை பாலா, பரத் உள்ளிட்டவர்கள் அளிப்பார்கள் என்பது இந்த பிரமோ மூலம் வெளிப்பட்டுள்ளது. கத்திரிக்காயை வைத்தே அவர் இந்த அளவிற்கு ரசிகர்களுக்கு என்டர்டெயின்மெண்ட் கொடுத்துள்ளது பார்ப்பதற்கு சிறப்பாக அமைந்துள்ளது.