யூடியூப்ல தாங்க அதிக வருமானம்.. பளீச் டேட்டா கொடுத்த விஜய் டிவி பிரபலம்!

விஜே மணிமேகலை

சன் மியூசிக் டிவியில் கடந்த 2011ம் ஆண்டிலிருந்து 2017ம் ஆண்டு வரை வீடியோ ஜாக்கியாக பல்வேறு நிகழ்ச்சிகளை தொகுத்து வழங்கியவர் மணிமேகலை. இந்த காலகட்டத்தில் ஏராளமான நிகழ்ச்சிகளை தொகுத்து வழங்கி ரசிகர்களை கவர்ந்தவர் இவர். முன்னதாக தான் கல்லூரியில் படிக்கும் காலகட்டத்திலேயே வீடியோ ஜாக்கியாக கடந்த 2009ம் ஆண்டிலேயே தனது பயணத்தை துவங்கினார்.

கோமாளியாக ஈர்க்கும் மணிமேகலை

தற்போது விஜய் டிவியில் பணியாற்றிவரும் மணிமேகலையின் ரசிகர்கள் வட்டம் அதிகரித்துள்ளது. குறிப்பாக குக் வித் கோமாளி நிகழ்ச்சியின் அடுத்தடுத்த சீசன்களில் கோமாளியாக இவர் ஏராளமான ரசிகர்களை கவர்ந்து வருகிறார். இவரது சேட்டைகளுக்காகவே இந்த நிகழ்ச்சியை பார்ப்பவர்கள் ஏராளம்.

குக் வித் கோமாளி சீசன் 4

குக் வித் கோமாளியில் ஏதாவது ஒரு குக்கிற்கு இவர் கோமாளியானால் அவரது பாடு அன்றைய தினம் திண்டாட்டம்தான். அவரை வைத்து செய்து விடுவார் மணிமேகலை. இந்த நிகழ்ச்சி இவருக்கு விஜய் டிவியில் அடுத்தடுத்த நிகழ்ச்சிகளை பெற்றுத் தந்து வருகிறது. தொடர்ந்து குக் வித் கோமாளி சீசன் 4 நிகழ்ச்சியிலும் இவர் பங்கேற்பது ப்ரமோ மூலம் உறுதியாகியுள்ளது.

யூடியூப்பில் பிசி

இந்நிலையில் தனியார் நிகழ்ச்சிகள், இசை வெளியீடுகள், யூடியூப்பில் தொடர்ந்து ஆக்டிவாக இருப்பது என்று தன்னை பிசியாக்கிக் கொண்டுள்ளார் மணிமேகலை. இவரது யூடியூப் பக்கத்தில் இவர் பதிவிடும் அடுத்தடுத்த வீடியோக்கள் ரசிகர்களின் அதிகமான லைக்ஸ்களையும் வியூஸ்களையும் பெற்று வருகின்றன.

காதல் திருமணம்

கடந்த 2017ம் ஆண்டில் ஹுசைன் என்ற நடனக் கலைஞரை பெற்றோரின் எதிர்ப்பை மீறி காதல் திருமணம் செய்துக் கொண்ட மணிமேகலை, தற்போது புதிய வீடு, கார், பைக் என செட்டில் ஆகியுள்ளார். அவரது சொத்து மதிப்பு பல கோடி ரூபாய்களை தாண்டியுள்ளதாக கூறப்படுகிறது.

யூடியூப்பில்தான் அதிக வருமானம்

இந்நிலையில் சமீபத்தில் அவர் கொடுத்துள்ள பேட்டியில் அவருக்கு அதிகமான வருமானம் வருவது விஜய் டிவியிலா அல்லது யூடியூப்பிலா என்று கேள்வி எழுப்பப்பட்டது. இதற்கு பளீச்சென யூடியூப் மூலம்தான் என்று பதிலளித்துள்ளார். ஆனாலும் விஜய் டிவியின் குக் வித் கோமாளி நிகழ்ச்சி மூலம்தான் இவர் ஏராளமான ரசிகர்களை பெற்றுள்ளார் என்பது குறிப்பிடத்தக்கது.