பிக் பாஸ் வீட்டின் ‘இம்சை அரசி’ ஆன விஜி... என்னமா டெரரா யோசிக்கிறாங்க!

டாஸ்க்:

அதிலும் குறிப்பாக பஸ்ஸர் டாஸ்க்கில் தன் புதுப்புது யோசனைகளால் சக போட்டியாளர்களை அலற வைத்தார். இதை எதிர்பார்த்து தானோ என்னவோ முதல் ஆளாக அவரையே களமிறக்கினார் பிக் பாஸ். ஆனால் அந்த டாஸ்க்கைப் பற்றி அதிகம் சீரியசாக எடுத்துக் கொள்ளாத போட்டியாளர்கள் கடந்த சீசனில் பார்த்தவாறே தண்ணீரை ஊற்றுவது போன்ற சின்னப்பிள்ளைத்தனமான டார்ச்சர்களைக் கொடுத்தனர்.

விஜியின் திட்டம்:

ஆனால் மற்றவர்களைப் போல் இந்த டாஸ்க்கை நினைக்கவில்லை விஜி. சீரியசாக களமிறங்கினார். பஸ்ஸர் மீது வைத்திருக்கும் கையை எடுக்க வைக்க என்னென்னலாம் செய்யலாம் என ஒவ்வொரு போட்டியாளருக்கும் புதிது புதிதாக யோசித்தார்.

டார்ச்சர்:

விஜியின் டார்ச்சர்களுக்கு ஓரளவு ஈடுகொடுத்தவர் யாஷிகா மட்டும் தான். ஐஸ்வர்யா, ஜனனி, ரித்விகா மற்றும் பாலாஜி என மற்ற போட்டியாளர்களால் நீண்ட நேரம் தாக்குப்பிடிக்க முடியவில்லை. அந்தளவிற்கு ரூம் போட்டு விதவிதமாக யோசித்து வில்லத்தனமாக டார்ச்சர் கொடுத்தார் விஜி.

எண்ணெய்:

ஜனனிக்கு டவல்களை மேலே போட்டு அதில் நீரை ஊற்றினார். பாவம் ஜனனியால் அதன் எடையைத் தாங்க இயலவில்லை. யாஷிகாவிற்கு கையில் எண்ணெய் ஊற்றினார், மிளகாயை எண்ணெய்யில் போட்டு அந்த நெடியைக் கொண்டு வந்து காட்டினார்.

பாவம் ஐஸ்:

ஐஸ்வர்யாவும், ரித்விகாவும் கை வலியால் அவதிப்படும் அளவிற்கு கையில் பருப்பு பைகளைக் கட்டி விட்டார். எரிகிறதைப் பிடிங்கினால் கொதிக்கிறது அடங்கும் என லாஜிக்கைப் புரிந்து கொண்டு கையை போட்டியாளர்கள் பஸ்ஸரில் இருந்து எடுக்க என்ன செய்யவேண்டும் என்பதை திட்டம் போட்டு விளையாடினார் விஜி.

வில்லியான நாயகி:

சென்னை 28 உள்ளிட்ட சில திரைப்படங்களிலும், சீரியலிலும் நாயகியாக நடித்த விஜயலட்சுமியை பிக் பாஸ் வீட்டிற்கு அழைத்து வந்து இப்படி வில்லியாக்கி விட்டார்களே எனக் கூறும் அளவிற்கு டாஸ்கில் மற்ற போட்டியாளர்களுக்கு விதவிதமாக டார்ச்சர் கொடுத்து வருகிறார் அவர். பேசாம விஜி நீங்க நடிக்கிறதவிட்டுட்டு ஸ்கிரிப்ட் ரைட்டரா போயிடலாம், அவ்வளவு புதுசு புதுசாக யோசிக்கிறீங்க.