பெற்றோருக்கு அர்ச்சனாவோட அட்வைச பாருங்க... தேவையான அட்வைஸ்தான்!

விஜே அர்ச்சனா

விஜய் டிவியில் ஆஸ்தான விஜேவாக இருப்பவர் அர்ச்சனா. இவர் பல டிவி ஷோக்களை அந்த சேனலுக்காக தொகுத்து வழங்கி வருகிறார். ரசிகர்களின் விருப்பத்திற்குரிய ஆங்கராகவும் இருந்து வருகிறார். சமீபத்தில் படங்களிலும் இவர் கவனம் செலுத்தி வருகிறார். டாக்டர் படத்தில் இவரது கேரக்டர் பேசப்பட்டது.

பிக் பாஸில் பங்கேற்பு

இவர் விஜய் டிவியில் உலக நாயகன் தொகுத்து வழங்கிய பிரம்மாண்ட ரியாலிட்டி ஷோவான பிக் பாஸ் சீசன் 4லும் போட்டியாளராக கலந்து கொண்டார். இந்த ஷோவிற்கு பிறகு இவரது கிரேஸ் ரசிகர்களிடையே வெகுவாக அதிகரித்தது. முதலில் வெளியேறிய இவர் 11வது நாளில் வைல்ட் கார்ட் என்ட்ரியாக நுழைந்தார்.

சோஷியல் மீடியாவில் ஆக்டிவ்

இன்ஸ்டாகிராம் உள்ளிட்ட சோஷியல் மீடியாவில் இவர் ஆக்டிவாக இருந்து வருகிறார். மேலும் தனது மகள் சாராவுடன் இணைந்து யூடியூப் பக்கத்தையும் நடித்தி வருகிறார். இதனிடையே பிக் பாஸ் ஷோவிற்கு பிறகு இவரை தொடரும் ரசிகர்களின் எண்ணிக்கை கணிசமாக உயர்ந்துள்ளது.

தொடர் பதிவுகள்

தொடர்ந்து இவர் சிறப்பான பல பதிவுகளை மேற்கொண்டு வருகிறார். இதன்மூலம் தனது ரசிகர்களை திருப்தி படுத்தி வருகிறார். சமீபத்தில் இவருக்கு ஆபரேஷன் ஒன்று நடத்தப்பட்ட நிலையில், இவர் தேற வேண்டும் என்று சமூக வலைதளங்களில் ஏராளமானோர் பிரார்த்தனைகளை பதிவு செய்தனர்.

பெற்றோருக்கு அட்வைஸ்

இதனிடையே இவரது தற்போதைய புதிய இன்ஸ்டாகிராம் பதிவு பெற்றோர்களுக்கு அட்வைஸ் சொல்லும் வகையில் அமைந்துள்ளது. தற்போது மாணவர்கள், இறுதித் தேர்வை எதிர்கொள்ளும் சூழலில், தன்னுடைய மகள் அவரது ஸ்டைலில் தேர்வை சிறப்பாக எதிர்கொண்டு வருவதாக குறிப்பிட்டுள்ளார்.

Recommended Video

Doctor - நாங்க ரெண்டுபேரும் சேர்ந்து நடிக்கும் முதல் படம் | Archana and Zara | Filmibeat Tamil

தேவையான அட்வைஸ்

இதைப் பார்த்து தான் பெருமை கொள்வதாகவும், பெற்றோர்கள் தங்களது குழந்தைகள் தேர்விற்காக தயாராக எடுக்கும் முயற்சிகளை குறித்து மட்டுமே கவலை கொள்ள வேண்டும் என்றும் முடிவுகளை பற்றி கவலைப்பட வேண்டாம் என்றும் கடின உழைப்பிற்கு என்றாவது ஒருநாள் சிறந்த பலன் கிடைக்கும் என்றும் குறிப்பிட்டுள்ளார்.