அடிக்கப்பாய்ந்த முகென்.. ரெட் கார்டு கொடுக்கப்படுமா? சரவணன் போல் வெளியேற்றப்படுவாரா?

இன்றும் தொடர்ந்த வனிதா

இதனால் வனிதாவின் மனம் கோணாமல் நடக்கின்றனர் ஹவுஸ்மேட்ஸ்கள். இந்நிலையில் நேற்றே காதல் கத்திரிக்காயெல்லாம் வேண்டாம் என்று அபிராமியிடம் கூறிய வனிதா, இன்றும் அதனை தொடர்ந்தார்.

சேரை தூக்கிய முகென்

இதனால் எடுப்பார் கைப்பிள்ளையான அபிராமி, முகென் மீது பழியை போட்டு அவரிடம் பாய்கிறார். ஒரு கட்டத்துக்கு மேல் பொறுமையிழந்த முகென் அபிராமியை அடிக்க சேரை தூக்குகிறார்.

கட்டில் உடைப்பு

ஏற்கனவே தான் பேசிக்கொண்டிருக்கும் போதே மீரா எழுந்து சென்றதால் கோபமான முகென் டைனிங் டேபிளை வேகமாக அடித்து தனது கோபத்தை வெளிப்படுத்தினார். இதனை தொடர்ந்து அபிராமியுடன் ஏற்பட்ட வாக்குவாதத்தின் போது கட்டிலை அடித்து உடைத்தார்.

சரவணன் வெளியேற்றம்

இந்நிலையில் இன்று அபிராமியை அடிக்க சேரை தூக்கிவிட்டார் முகென். எப்போதோ நடந்த விஷயத்தை இப்போது கூறி, அதற்கு மன்னிப்பும் கேட்டு விட்டார் சரவணன். ஆனால் பெண்களை இழிவு படுத்திவிட்டதாக அவரை அதிரடியாக வெளியேற்றினார் பிக்பாஸ்.

ரெட் கார்டு கொடுக்கப்படுமா?

ஏற்கனவே கட்டில் உடைப்பு குற்றம் முகென் மீது உள்ளது. இந்நிலையில் ஒரு பெண்ணை அடிக்க சேரை தூக்கியுள்ளார் முகென். என்ன கோவம் வந்தாலும் உலகமே பார்க்கும் ஒரு நிகழ்ச்சியில் ஒரு பெண்ணை அடிக்கப் பாய்வதெல்லாம் ஓவரோ ஓவர். இதனை காரணமாக வைத்து முகெனை ரெட் கார்டு கொடுத்து வெளியேற்றுவாரா பிக்பாஸ்.