ஒய். ஜி. மகேந்திரன் நடிக்கும் ஆல் இன்ஆல் ஆறுமுகம்'

நடிகர் ஒய்.ஜி. மகேந்திரன் நடித்த நெடுந்தொடர் என்றாலே நகைச்சுவைக்கும் கலகலப்பிற்கும் பஞ்சமிருக்காது. தற்போது இரட்டை வேடத்தில் புதிய நகைச்சுவை தொடர் ஒன்றில் நடித்து வருகிறார் ஒய்.ஜி. மகேந்திரன். 'ஆல் இன் ஆல் ஆறுமுகம்' என்று பெயரிடப்பட்டுள்ள இந்த தொடரில் இரட்டை வேடத்தில் ஆர்பாட்டமான நடிப்பை வெளிபடுத்தியுள்ளாராம் மகேந்திரன்.

சென்னையில் வசிக்கும் ரவுடி, கிராமத்தில் வசிக்கும் ரவுடி என மாறுபட்ட கதாபாத்திரகளில் வரும் ஒய்.ஜி. மகேந்திரனுக்கு ஜோடியாக யுவஸ்ரீ நடித்துள்ளார். இந்த தொடரில் ரவுடியை சமாளிக்கும் போலீஸ் அதிகாரியாக காத்தாடி ராமமூர்த்தி நடித்துள்ளார். வியட்நாம் வீடு சுந்தரமும் முக்கிய கதாபாத்திரம் ஒன்றில் நடித்துள்ளார். வசந்த் தொலைக்காட்சியில் ஒளிபரப்பாக உள்ள இந்த நகைச்சுவைத் தொடரை ஜெயமணி இயக்கியுள்ளார்.