'ஸ்டூடியோ 6': ஜீ தமிழ் சேனலில் நட்சத்திரங்களின் எக்ஸ்க்ளூசிவ் பேட்டிகள்

சினிமா நட்சத்திரங்களின் பேட்டிகள், சினிமா செய்திகளை வழங்குவதற்காகவே ஜீ தமிழ் சேனல் ஸ்டூடியோ 6 என்ற நிகழ்ச்சியை புதிதாக தொடங்கியுள்ளது.

ஒவ்வொருவாரமும் ஞாயிறு இரவு 8 மணிக்கு ஒளிபரப்பாகும் இந்த நிகழ்ச்சியில் நடிகர், நடிகையர்களின் கலாட்டா பேட்டிகள் இடம் பெறுகின்றன.

இந்தவாரம் முதல் நிகழ்ச்சியில் கடல் திரைப்பட நாயகி துளசியின் அசத்தலான பேட்டி இடம் பெறுகிறது. மணிரத்னம் அறிமுகம் செய்தது, நாயகன் கவுதம் கார்த்திக் உடனான நடிப்பு, அக்கா கார்த்திகா உடனான போட்டி, அம்மா ராதாவின் செல்ல கொஞ்சல்கள் என பகிர்ந்து கொள்கிறார் துளசி.

கடலின் தாக்கம் இனி கொஞ்சநாளைக்கு எல்லா சேனல்களிலும் அலையடிக்கும் என்பதால் ஜீ தமிழ் சேனல் தனது புதிய நிகழ்ச்சிக்கு துளசியை பேட்டி கண்டுள்ளது. ஞாயிறு இரவு 8 மணிக்கு ஸ்டூடியோ 6 நிகழ்ச்சி ஒளிபரப்பாகிறது.