அயலான் vs கேப்டன் மில்லர்: விமர்சனத்தில் வென்ற பொங்கல் வின்னர் யார்?

அயலான் - இயக்குனர் ரவிக்குமார் இயக்கத்தில் சிவகார்த்திகேயன், ரகுல் ப்ரீத் சிங், கருணாகரன், யோகி பாபு என பல தமிழ் திரைப்பட பிரபலங்கள் நடித்திருக்கும் அதிரடி - திரில்லர் கதைக்களத்தில் உருவாகியுள்ள அறிவியல் புனைவு திரைப்படம். இப்படத்தினை தமிழ் சினிமாவின் பிரபல தயாரிப்பாளரான கொட்டப்படி ஜே ராஜேஷ் தனது KJR தயாரிப்பு நிறுவனத்தின் மூலம் தயாரிக்க, இசையமைப்பாளர் 'இசைப்புயல்' ஏ ஆர் ரஹ்மான் இசையமைத்துள்ளார்.

தமிழ் சினிமா ரசிகர்கள் அனைவரும் தங்களின் குடுப்பதோடு ரசிக்கும் வண்ணத்தில் உருவாகியுள்ள அயலான் படத்தினை ஒளிப்பதிவாளர் நீரவ் ஷாஹ் ஒளிப்பதிவு செய்ய, படத்தொகுப்பாளர் ரூபன் எடிட்டிங் செய்துள்ளார்.

கேப்டன் மில்லர் இயக்குனர் அருண் மாதீஸ்வரன் இயக்கத்தில் தனுஷ், பிரியங்கா மோகன், சிவ ராஜ் குமார் என பல திரைப்பட முன்னணி நட்சத்திரங்கள் நடித்திருக்கும் அதிரடி திரில்லர் திரைப்படம். இப்படத்தினை தயாரிப்பாளர் தியாகராஜன் 'சத்யா ஜோதி பிலிம்ஸ்' தயாரிப்பு நிறுவனத்தின் மூலம் தயாரிக்க, இசையமைப்பாளர் ஜி வி பிரகாஷ் குமார் இசையமைத்துள்ளார்.

அதிரடி திரைக்கதை படமாக உருவாகியுள்ள கேப்டன் மில்லர் திரைப்படத்திற்கு ஒளிப்பதிவாளர் சித்தார்த்த நுனி ஒளிப்பதிவு செய்ய, படத்தொகுப்பாளர் நாகூரான் ராமசந்திரன் எடிட்டிங் செய்துள்ளார். 

பூமிக்கு வரும் ஒரு ஏலியன் சிவகார்த்திகேயன் மற்றும் அவரின் நண்பர்களின் உதவியில் பல அதிசயங்களை செய்து வருகிறது. பின் அந்த ஏலியன் மீண்டும் பூமியை விட்டு பாதுகாப்பாக ஏலியனின் கிரகத்திற்கு சென்றதா என்பதே இப்படத்தின் கதைக்கரு.

இந்தியாவில் ஆங்கிலேயர் ஆட்சி செய்யும் காலகட்டத்தில் பிரிட்டிஷ் ராணுவ படையில் பணியாற்றும் தனுஷ், பிரிட்டிஷ் அரசாங்கம் இந்திய மக்களுக்கு செய்யும் அநீதியை கண்டு இந்திய மக்களுக்காக ஆங்கிலேயரை எதிர்த்து போராடுவது தான் இப்படத்தின் கதைக்கரு.

அயலான் திரைப்படம் தமிழ் சினிமாவில் குழந்தைகள் பெரியவர்கள் மற்றும் இளைஞர்கள் என பல ரசிகர்களின் கவனத்தை கவர்ந்து கொண்டாடப்பட்டு வருகிறது. அயலான் கதையில் நகைச்சுவை, சுவாரஸ்யம் என பல காட்சிகள் அடங்க ஒரு கமெர்ஷியல் மற்றும் புதுமையான காட்சிகளில் உருவாகி இப்படம் பலரை திருப்திபடுத்தியுள்ளது. ஹாலிவுட் சினிமா போன்று அதிக நவீன தொழில்நுட்ப உதவியில் VFX காட்சிகளுடன் இப்படம் பலரை வியப்படைய செய்துள்ளது.

அதிரடி திரைக்களம் மற்றும் வன்முறை அதிக இடம்பெற்றுள்ள கேப்டன் மில்லர் படத்தினை தனுஷ் ரசிகர்கள் மற்றும் இளைஞர் முதல் நாள் முடிவில் இப்படத்தினை கண்டு தங்களின் கருத்துகளை கூறி வருகின்றனர். இந்த படத்தில் தனுஷ் நடிப்பில் அசத்தியுள்ளார். இப்படம் தமிழ் சினிமாவில் கொண்டாடப்படுகிறது.

இந்த 2024 பொங்கல் பண்டிகைக்கு வெளியான இரு படங்களில் அயலான் மற்றும் கேப்டன் மில்லர் பல ரசிகர்களால் எதிர்பார்க்கப்பட்ட படங்களாக உள்ளது. இந்த இரு படங்களில் அயலான் படம் 4 முதல் 4.5 ரேட்டிங் பெற்றுள்ளன. ஆனால் கேப்டன் மில்லர் படம் 3 ரேட்டிங் பெற்றுள்ளது. ரேட்டிங் மற்றும் ரசிகர்களின் விருப்பம் ஆகிய விஷயங்களில் அடிப்படையில் இந்த போட்டியில் அயலான் இந்த ஆண்டு பொங்கல் வின்னர் படமாக வெற்றி பெற்றுள்ளது.

இப்படங்களின் வசூல் விவரங்கள் அதிகாரப்பூர்வ தகவல்கள் உடன் விரைவில் வெளியிடப்படும்.