Baakiyalakshmi Serial: அமைச்சர் பாராட்டுகளை பெற்ற பாக்கியா, பாக்கியலட்சுமி சீரியல் படைத்த புதிய சாதனை

ஸ்டார் விஜய் தொலைக்காட்சியில் வாரந்தோறும் ஒளிபரப்பாகும் பிரபல சீரியல், பாக்கியலட்சுமி. இந்த சீரியலை இயக்குனர் சிவா சேகர் மற்றும் ஐ டேவிட் இணைந்து இயக்குகின்றனர். இந்த சீரியலுக்கு லீனா கங்கோபாத்யாய் மற்றும் சங்கீதா மோகன் இணைந்து வசனங்கள் எழுதிவருகின்றனர். தமிழ் தொலைக்காட்சியில் வரலாற்றில் பலரால் கொண்டாடப்பட்ட சீரியல்களில் இந்த தொடர் இடம் பிடித்து பலரின் கவனத்தை கவர்ந்துள்ளது.

2020 ஜூலை 27ல் தொடங்கப்பட்ட இந்த பாக்கியலட்சுமி சீரியலில் பலரின் வரவேற்பை பெற்று பிரபலமானது. பாக்கியலட்சுமி - இல்லத்தரசிகளின் கதை என்ற வாக்கியத்தில் இந்த சீரியல் ஆரம்பமானது. இன்று 18 டிசம்பர் 2023ல் இந்த சீரியலை 1000 எபிசோடுகளை கடந்து சாதனை படைத்திருக்கிறது. இந்த சீரியல் படைத்த சாதனைக்கு பலரும் வாழ்த்துகளை தெரிவித்து வருகின்றனர்.

ஒரு இல்லத்தரசி தனது வீட்டில் மரியாதை மற்றும் அங்கீகாரத்தினை பெறுவதற்கு எப்படியெல்லாம் முயற்சிக்கிறார் என்பதே இந்த சீரியலில் ஒன்லைன். தற்போது பல பரிமாணங்கள் அடைந்து இந்த சீரியல் பெரிய அளவில் பேசப்படுகிறது. கோபி, ராதிகா, எழில், செழியன், ஜெனி என பல கதாபாத்திரங்கள் இந்த சீரியல் மூலம் தமிழ் சினிமாவில் பிரபலமாகியுள்ளது.

பாக்கியலட்சுமி சீரியலில் தற்போது பல விறுவிறுப்பான நிகழ்வுகள் நடந்து வருகிறது. ஒரு அரசு பொருட்காட்சியை டெண்டர் எடுத்துள்ள பாக்கியா, அதன் மூலம் பல சாதனை படைத்து வருகிறார். அந்த பொருட்காட்சிக்கு நேரில் வந்து சோதனை மேற்கொண்ட அமைச்சர் பாக்கியாவின் கேன்டீன் பற்றிய தகவல் அறிந்து நேரில் சென்று பாக்கியாவை பாராட்டியுள்ளார். இதனால் பாக்கியாவின் குடும்பத்தினர் அனைவரும் சந்தோச வெள்ளத்தில் மூழ்கி உள்ளனர்.

பாக்கியலட்சுமி சீரியலில் பாக்கியாவின் அசுர வளர்ச்சியை கண்ட கோபி என்ன செய்வது என்று பெரும் குழப்பத்தில் உள்ளார். கோபியின் பிஸ்னஸ் நஷ்டம் அடைந்துள்ள நிலையில், பாக்கியா படைக்கும் சாதனை பெரிய அளவில் பேசப்படுகிறது. இதனால் பெரும் அச்சத்தில் உள்ளார், கோபி. பழனிச்சாமி என்ற கதாபாத்திரத்தின் உதவியில் பல சாதனைகளை படைத்து வருகிறார், பாக்கியா.