Baakiyalakshmi: மீண்டும் பாக்கியாவிடம் அசிங்கப்பட்ட கோபி... சிக்கலில் ராதிகா!

பாக்கியலட்சுமி - விஜய் தொலைக்காட்சியில் ஒளிபரப்பாகி வரும் டாப் சீரியல் ஆகும், பாக்கியலட்சுமி. இந்த சீரியலில் பாக்கியா, கோபி, ஈஸ்வரி, ராதிகா என பல முக்கிய கதாபாத்திரங்கள் உள்ளன. ஒரு இல்லதரிசியின் கதை என இந்த சீரியல் ஆரம்பமாகி தற்போது பெரிய அளவில் தமிழ் ரசிகர்கள் மத்தியில் கொண்டாடப்பட்டு வருகிறது. தமிழ் சினிமா வட்டரங்களில் இந்த சீரியல் பலரின் கவனத்தை ஈர்த்து பெரிய அளவில் பேசப்படுகிறது. இந்த சீரியலில் நடித்து வரும் பல நடிகர்களுக்கு பல படவாய்ப்புகள் குவிந்து வருகிறது.

பாக்கியாவின் வீட்டில் இருந்து வெளியேறிய கோபி மற்றும் ராதிகா, ஈஸ்வரியை தங்களுடன் அழைத்து வந்துள்ளனர். மகன் உடன் தான் செல்வேன் என ஈஸ்வரி சொன்னதும் பலர் தடுக்க, ஈஸ்வரி தனது தீர்மானத்தில் உறுதியாக இருந்து வீட்டில் இருந்து வெளியேறியுள்ளார். கோபி உடன் வந்த ஈஸ்வரி, ராதிகா வீட்டில் அவரது தாய் இருப்பதை அறிந்து அதிர்ச்சி அடைந்தார். பின்னர் கோபியின் தாய் மற்றும் ராதிகாவின் தாய் இருவருக்கும் பல மோதல்கள் தொடங்க, ஈஸ்வரி சரியாக சாப்பிடாமல் மயக்கம் அடைந்துள்ளார். இதனை கண்ட கோபி ஈஸ்வரியை அவசரமாக மருத்துவ மனையில் அனுமதித்துள்ளார்.

ஈஸ்வரியை மருத்துவமனையில் அனுமதிக்கப்பட்டதை அறிந்த பாக்கியா குடும்பத்தினர் அனைவரும் மருத்துவமனைக்கு வருகை தந்தனர். அம்மாவை சரியாக பார்த்துக்கொள்ள இயலாத கோபியை திட்டி தீர்த்த குடும்பத்தினர், மருத்துவமனையில் ஈஸ்வரிக்காக துணை நின்று அவரை காப்பாற்றினர், பிறகு பாக்கியா குடும்பத்தினர் கோபியை எச்சரித்து, ஈஸ்வரியை தங்களுடன் அழைத்து செல்வதாக கூற, அதற்கு கோபி சம்மதம் தெரிவிக்காமல் எனது அம்மா என்னுடன் தான் இருக்கவேண்டும் என பிடிவாதமாக சொல்லி மீண்டும் தனது தாய் ஈஸ்வரியை தன்னுடன் வீட்டிற்கு அழைத்து செல்கிறார்.

ராதிகா மீண்டும் கர்ப்பமாக உள்ளதால் தனது ஆரோக்கியத்தில் மிகுந்த கவனுமுடன் இருந்து வருகிறார். சரியாக பார்த்து கொள்ளாததால் மருத்துவமனைக்கு சென்ற ஈஸ்வரி மீண்டும் தனது வீட்டிற்கு வரமாட்டார் என மகிழ்ந்த ராதிகா மற்றும் அவரது தாய்க்கு அதிர்ச்சி அளிக்கும் வகையில் ஈஸ்வரியின் வருகை அமைந்துள்ளது.

மருத்துவமணையில் இருந்த பாக்கியா குடும்பத்தினரை சமாளித்து கோபி மீண்டும் தனது அம்மாவை தன்னுடன் அழைத்து வந்துள்ளார். ராதிகாவின் அலட்சியம் தான் இந்த பிரச்சனைக்கு காரணம் என சொல்லி ராதிகா மீது கோவத்தில் இருக்கும் கோபி, தானே தனது அம்மாவை பார்த்துக்கொள்ள வேண்டும் என முடிவு எடுத்து, ஈஸ்வரியை தனது வீட்டிற்கு அழைத்து வந்துள்ளார், கோபி. பிரச்சனை முடிந்தது என நினைத்த ராதிகா மற்றும் அவரது தாய்க்கு புதிய சிக்கல் ஆரம்பமாகியுள்ளது.

பாக்கியா தனி ஆளாக நின்று ஹோட்டல் மற்றும் வீடு என இரண்டையும் எப்படி பார்த்து கொள்கிறார் என ஆச்சரியத்தில் இருக்கும் கோபி, பாக்கியாவிடமே இதனை பற்றி வினாவியுள்ளார். இதற்கு பதிலளித்த பாக்கியா, உங்களை போன்ற அறிவுடையார்க்கு தெரியாததா எனக்கு தெரியும் என கேலி கிண்டலுமாக பதில் சொல்லி அங்கிருந்து சென்றுள்ளார், பாக்கியா. 

ஒரு காலத்தில் தொடர்ந்து பாக்கியாவை அவமதித்து வந்த கோபி, தற்போது பாக்கியாவின் வளர்ச்சி மற்றும் அவரது நிர்வாக திறனை கண்டு மிகுந்த ஆச்சரியத்தில் உள்ளார். இதனால் பல அவமானத்தை கடந்ததும் தற்போது பாக்கியாவிடம் அசிங்கப்பட்டுள்ளார் கோபி.