எதிர்நீச்சல் சீரியல்: ஜீவானந்தமாக குணசேகரன் வீட்டில் என்ட்ரி கொடுத்த இயக்குனர் திருச்செல்வம்

எதிர்நீச்சல் - சன் தொலைக்காட்சியில் ஒளிபரப்பாகும் பிரபல சீரியல். இந்த சீரியலை கோலங்கள் புகழ் திருச்செல்வம் எழுதி இயக்குகிறார். ஆண் ஆதிக்கத்திற்கு எதிராக பெண்களின் முன்னேற்றத்தை பற்றி இந்த சீரியல் விழிப்புணர்வு ஏற்படுத்தி வருகிறது. தற்போது இந்த வார எதிர்நீச்சல் சீரியலில் நடைபெறவிருக்கும் சுவாரஸ்யங்களை பற்றிய இங்கு காணலாம்.

பல்வேறு சூழ்ச்சிகள் செய்து ஆதிரையின் திருமணத்தை நிறுத்திய குணசேகரன், அப்பத்தாவை கொலை செய்ய திட்டம் தீட்டுகிறார். இந்நிலையில் அப்பத்தா ஜனனியிடம் ஜீவானந்தம் என ஒருவரை பற்றி ரகசியம் கூறுகிறார். அப்பத்தா கூறியதை கேட்டு ஜனனி ஜீவனந்தத்தை தேடி வருகிறார்.

தனது தங்கையை ஜான்சிராணியின் மகன் கரிகாலனுக்கு மணமுடிக்க திட்டம் தீட்டி, இந்த திருமணத்தை நடத்த பல வழிகளில் ஏற்பாடுகள் செய்து வருகிறார். ஒரு ஆளாக நின்று தனது மொத்த குடும்பத்தையும் சமாளித்து வருகிறார், குணசேகரன்.

பல நாட்களாக ஜீவானந்தத்தை தேடி வந்துள்ள ஜனனி, அவரை கண்டு பிடித்து குணசேகரன் வீட்டிற்கு அழைத்து வருகிறார். எதிர்நீச்சல் சீரியலின் இயக்குனர் திருச்செல்வன், இந்த தொடரில் ஜீவானந்தம் கதாபாத்திரத்தில் நடித்துள்ளார். கோலங்கள் சீரியலுக்கு பிறகு தற்போது எதிர்நீச்சல் சீரியல் மூலம் மீண்டும் நடிக்க தொடங்கியுள்ளார், திருச்செல்வம்.