தமிழும் சரஸ்வதியும் சீரியல்: அர்ஜுனின் சகுனி ஆட்டத்தால் மயங்கி விழும் ராகினி, கோதையின் முடிவு என்ன?

தமிழும் சரஸ்வதியும் - விஜய் தொலைக்காட்சியில் ஒளிபரப்பாகி வரும் பிரபல சீரியல். இந்த சீரியலின் கதைக்களம் பல சுவாரஸ்யங்கள் மூலம் உருவாகி மக்கள் மத்தியில் பெரும் வரவேற்பு பெற்றுள்ளது. தற்போது இந்த சீரியலில் ஜூலை 27 முதல் 29 வரை நடக்கவிருக்கும் எபிசோடுகளின் புதிய ப்ரோமோ முன்னோட்டம் வெளியாகி ரசிகர்களின் கவனத்தை கவர்ந்து பேசப்படுகிறது. இந்த சீரியலின் புதிய ப்ரோமோ பற்றிய முழு தகவல்கள் இங்கு உள்ளன. முழு விவரங்கள் இதோ.

தமிழும் சரஸ்வதியும் சீரியலில் இதுவரை நடந்த பல விஷயங்கள் அர்ஜுனுக்கு முரணாக அமைய பெரும் அப்செட் ஆகியுள்ளார், அர்ஜுன். இதனால் ஏதேனும் சில விஷயங்களை செய்து வீட்டில் உள்ள அனைவரையும் தன் கட்டுப்பாட்டில் வைக்க வேண்டும் என முயற்சித்து வருகிறார். வளைகாப்பு நிகழ்ச்சி, நிறுவனத்தில் அர்ஜுன் கொடுக்கும் யோசனைகள், அர்ஜுனின் புதிய பழக்கங்கள் என அனைத்தும் கோதை மற்றும் நடேசனுக்கு அர்ஜுன் மீது அதீர்த்தியையும் சந்தேகத்தையும் கிளப்பி உள்ளது.

நடேசனுக்கு 60 வயது வரப்போகிறது என சொல்லும் ராகினி மற்றும் அர்ஜுன், இந்த பிறந்தநாள் பெரிய அளவில் கொண்டாட வேண்டும் என முயற்சி செய்கின்றனர். இதற்கு கோதை & நடேசன் இருவருக்கும் 60 ஆம் கல்யாணம் நடத்தி வைக்க முடிவெடுக்கின்றனர், அர்ஜுன் & ராகினி. இதற்காக கோதையிடம் பேசி சம்மதத்தையும் பெறுகின்றனர்.

கோதை மற்றும் நடேசனுக்கு 60 ஆம் திருமணம் நடைபெறுவதாக உறுதி செய்யப்பட்ட நிலையில், நடேசன் திருமணத்திற்கு தமிழ் மற்றும் சரஸ்வதி வர வேண்டும் என ஆசைப்படுகிறார். இதற்காக கோதையிடம் பேசி தமிழ் மற்றும் சரஸ்வதி வர வேண்டும் என்னும் தனது விருப்பத்தை கூறி கோதையின் சம்மதத்தை பெற்ற நடேசன் சந்தோசத்தில் மிதக்கிறார். பின் மறுநாள் இந்த விஷத்தை தமிழ் மற்றும் சரஸ்வதியிடம் சொல்ல வேண்டும் என குடும்பத்தில் இருக்கும் அனைவரின் முன்னிலையில் சொன்ன நடேசனை ராகினி தடுக்கிறார்.

அர்ஜுன் தனக்கேற்ற படி ராகினியை ஆட்டி வைத்துள்ள நிலையில், தமிழ் மற்றும் சரஸ்வதி இந்த விழாவிற்கு வரக்கூடாது என சொல்கின்றனர். ஆனால் கோதை மற்றும் நடேசன் இதற்கு சம்மதம் தெரிவிக்காத நிலையில், ராகினி மற்றும் கோதை இடையே பெரும் வாக்குவாதம் தொடங்குகிறது. முடிவில் நிறைமாத கர்ப்பிணியாக இருக்கும் ராகினி மயங்கி விழுகிறார். ராகினி மயங்கியதும் குடும்பத்தில் உள்ள அனைவர்க்கும் அச்சம் எழுகிறது. முடிவில் ராகினிக்காக தனது முடிவை மாற்றி கொள்ளும் படி அறிவுறுத்துகின்றனர், அர்ஜுன் குடும்பத்தினர்.

மகளின் கோபம் ஒரு பக்கம் இருக்க, மற்றொரு பக்கம் தமிழின் பாசம் என இரண்டிற்கு இடையில் கோதை மாட்டி கொள்கிறார். இதிலிருந்து கோதை தப்பிக்க என்ன முடிவு எடுக்க போகிறார் என ரசிகர்களின் கவனத்தை கவர்ந்துள்ளனர், தமிழும் சரஸ்வதியும் குழு.