ஜெயிலர் & விக்ரம்: இந்த இரண்டு படங்களுக்கும் இடையே இருக்கும் ஒற்றுமைகள் பற்றி தெரியுமா?

ஜெயிலர் - இயக்குனர் நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் முன்னணி கதாபாத்திரத்தில் நடிக்கும் திரைப்படம். இப்படத்தினை பிரபல முன்னணி தயாரிப்பு நிறுவனம் சன் பிக்சர்ஸ் நிறுவனம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

விக்ரம் - இயக்குனர் லோகேஷ் கனகராஜ் இயக்கத்தில் நடிகர் கமல் ஹாசன், விஜய் சேதுபதி, பகத் பாசில் என திரைப்பட முன்னணி நட்சத்திரங்கள் பலர் நடித்திருக்கும் அதிரடி - திரில்லர் திரைப்படம். இப்படத்தினை நடிகர் கமல் தனது ராஜ் கமல் தயாரிப்பு நிறுவனம் மூலம் தயாரிக்க, இசையமைப்பாளர் அனிருத் ரவிச்சந்தர் இப்படத்திற்கு இசையமைத்துள்ளார்.

விக்ரம் & ஜெயிலர் என இரு படங்களிலும் நாயகனான கமல் ஹாசன் மற்றும் ரஜினி ஓய்வு பெற்ற அதிகாரியாக இருக்க, நாயகனின் மகனை சிலர் தாக்கி கொலை செய்கின்றனர். பின் தனது மகனை கொலை செய்த நபரை தேடி அவர்களின் மொத்த குழுவை வேரோடு அளிப்பதே இந்த படத்தின் கதை.

விக்ரம் & ஜெயிலர் திரைப்படத்தில் நாயகனான கமல் & ரஜினி ஒரு ஓய்வு பெற்ற அதிகாரியாக நடித்துள்ளனர். இவர்கள் இருவரும் தனது போர் வாழ்க்கையை முடித்துக்கொண்டு அமைதியாக தனது குடும்பத்தோடு வாழ்ந்து வருகின்றனர். இருவருக்கும் ஒரு பேரன் கதாபாத்திரம் உள்ளது. மேலும் இவரை பகைத்து கொள்ளும் வில்லனுக்கு ஆச்சரியமாக இவரின் கடந்த கால ஆக்ஷன் வாழ்க்கையை பற்றி தெரிய வருகிறது.

சூப்பர்ஸ்டார் நடித்துள்ள ஜெயிலர் திரைப்படம், டார்க் காமெடி மற்றும் ஆக்ஷன் திரில்லர் திரைக்கதையில் உருவாகியிருக்கிறது. தற்போது இப்படத்தின் டிரைலர் வெளியாகி பெரிய அளவில் சமூக வலைத்தளத்தில் ரசிகர்கள் மத்தியில் கொண்டாடப்பட்டு வருகிற நிலையில், இப்படத்தின் மேல் உள்ள எதிர்பார்ப்புகள் அதிகரித்துள்ளது.