பொன்னியின் செல்வன் படத்திற்கு ஏன் 4 தேசிய விருதுகள் - இதை ஏற்க முடியாது என கதறல்...

பொன்னியின் செல்வன் (PS 1) (முதல் பாகம்) - இயக்குனர் மணிரத்னம் இயக்கத்தில் தமிழ் சினிமாவில் உருவாகியுள்ள தமிழர்களின் வரலாற்று திரைப்படம். பொன்னியின் செல்வன் ...

2024 ஆகஸ்ட் 16ல் இந்திய அரசு 2022 ஆம் ஆண்டிற்கான 'தேசிய விருது' பட்டியலை அறிவித்துள்ளது. இதில் பொன்னியின் செல்வன் திரைப்படம் மற்றும் திருச்சிற்றம்பலம் திரைப்படம் இணைந்து மொத்தம் 7 விருதுகளை வென்று பலர் பாராட்டுகளை அள்ளியுள்ளது. இந்த விருது பட்டியலில் ஏறத்தாழ தென்னிந்திய திரைப்படங்கள் அதிக விருதுகளை கைப்பற்றி சாதனை படைத்திருக்கிறது.

பொன்னியின் செல்வன் 1 திரைப்படத்தின் இயக்கிய மணிரத்னம் இது எனது வாழ்நாள் கனவு திரைப்படம் என பல இடங்களில் கூறியுள்ளார். தற்போது பொன்னியின் செல்வன் 1 திரைப்படம் 2022 ஆம் ஆண்டிற்கான சிறந்த திரைப்படம் (பொன்னியின் செல்வன் 1), சிறந்த ஒளிப்பதிவு (வர்மன்), சிறந்த பின்னணி ஒழி (ஆனந்த் கிருஷ்ணமூர்த்தி), சிறந்த பின்னணி இசை (ஏ ஆர் ரஹ்மான்) என்று 4 விருதுகளை தட்டி தூக்கியுள்ளது, பொன்னியின் செல்வன் 1 திரைப்படம்.

பொன்னியின் செல்வன் 1 திரைப்படம் 4 தேசிய விருதுகள் வென்றுள்ள நிலையில் பல சினிமா பிரபலங்கள் மற்றும் தமிழ் திரைத்துறையினர் என பலரும் சமூக வலைதள பக்கங்களின் பாராட்டுகளை தெரிவித்து வருகின்றனர். பொன்னியின் செல்வன் 1 வரலாற்று திரைப்படமாக உருவாகி தமிழ் சினிமா ரசிகர்கள் மத்தியில் பெரிய அளவில் பிரபலமாகி 500 கோடிகள் வரை வசூலித்து சாதனை படைத்துள்ளது. தற்போது தேசிய விருதுகளை வென்று பலர் மத்தியில் பேசப்படுகிறது.

திருச்சிற்றம்பலம் திரைப்படத்திற்காக நடிகை நித்யா மேனன் 'சிறந்த நடிகை' என்ற பட்டத்தை வென்றுள்ளார். பின் தமிழ் சினிமாவை 4 விருதுகளை அள்ளிய பொன்னியின் செல்வன் 1 திரைப்படம் குறித்து பலரும் இணையத்தில் ஆதங்கத்தை வெளிப்படுத்தியுள்ளனர். சரித்திர படைப்பு மற்றும் ஒருதலையாக முடிவெடுத்து இந்த விருதுகள் வழங்கப்பட்டுள்ளது என்று ஒரு குறிப்பிட்ட கும்பல் இதனை விமர்சித்து வருகிறது.

மூத்த பத்திரிகையாளர் பிஸ்மி அயோத்தி போன்ற நல்ல படங்களுக்கு இல்லாமல் ஏன் பொன்னியின் செல்வன் படத்திற்கு தேசிய விருது வழங்கப்பட்டுள்ளது என சரமாரி கேள்வி எழுப்பி உள்ளார், ஆனால் அயோத்தி படம் 2023 ஆம் ஆண்டு வெளியான திரைப்படம், அந்த திரைப்படம் 2022 ஆம் ஆண்டிற்கான விருது பட்டியலில் ஏன் இடம்பெற வில்லை என கேள்வி எழுப்பியுள்ளார்.

இந்த சம்பவம் போல சமந்தம் இல்லாமல் பல விஷயங்களை ஒப்பிட்டு பலர் கருத்துகளை பகிர்ந்து வருகின்றனர். தமிழ் சினிமாவிற்கு தேசிய விருது கிடைத்துள்ளது என மகிழ்ச்சி அடையாமல் அதிலும் அரசியல் சார்ந்த கருத்துகளை திணித்து விமர்சிக்கின்றனர், சிலர்.