காதலனை நம்பி நடு ரோட்டிற்கு வந்த பாண்டியன் ஸ்டோர்ஸ் நடிகைக்கு வந்த சோதனை...

ஸ்டார் விஜய் தொலைக்காட்சியில் தற்போது ஒளிபரப்பாகி வரும் பாண்டியன் ஸ்டோர்ஸ் சீசன் 2 சீரியலில் நடக்கும் சுவாரஸ்யங்கள் பற்றிய முழு அப்டேட் இங்கு விரிவாக  உள்ளன. இந்த தொடரை இயக்குனர் வி சி ரவி இயக்கத்தில் ஸ்டாலின், நிரோஷா, ஆகாஷ் பிரேம்குமார் என பலர் முக்கிய கதாபாத்திரங்களில் நடித்துள்ளனர். சுவாரஸ்யங்கள் நிறைந்த கதைக்களத்தில் உருவாகி வரும் பாண்டியன் ஸ்டோர்ஸ் சீரியல் தற்போது பரபரப்பிற்கு பஞ்சம் இல்லாமல் நகர்கிறது.

2024 பிப்ரவரி முதல் வாரத்தில் இருந்து ஸ்டார் விஜய் தொலைக்காட்சியில் மகா சங்கமம் தொடர் ஆரம்பமாகியுள்ளது. இதில் பாண்டியன் ஸ்டோர்ஸ் சீசன் 2 மற்றும் பாக்கியலட்சுமி சீரியல் கதாபாத்திரங்கள் ஒன்றாக இணைந்து பணியாற்றுகின்றனர். இந்த மகா சங்கமம் தொடர் நிகழ்வில் பல திருப்பங்கள் நிறைந்து வருகிறது. 

பாண்டியன் ஸ்டோர்ஸ் குடும்பத்தில் வில்லனாக காணப்படும் அஜய் ரத்னம் குடும்பத்தின் இளவரசியான ராஜி-க்கு திருமண ஏற்பாடுகள் நடக்க, அதற்கு விருப்பம் இல்லாமல் வீட்டை விட்டு காதலன் உடன் ஓடி வருகிறார், ராஜி. காதலன் தன்னை பணத்திற்காக ஏமாற்றியுள்ளதை அறிந்த ராஜி, மனமுடைகிறார். ராஜியை தள்ளிவிட்டு தப்பி செல்கிறார், காதலன்.

இதனை கண்ட பாக்கியா மற்றும் எழில் அவர்களுக்கு ஆதரவாக இருந்து பத்திரமாக தங்க வைத்துள்ளனர். ராஜி பற்றிய செய்தியை அறிந்த கோமதி (நிரோஷா) அவளை பற்றி வருத்தம் கொள்கிறார். இறுதியில் ராஜி-யின் நிலையை பாக்கிய கூற அதிர்ச்சி அடைகின்றனர், பாண்டியன் ஸ்டோர்ஸ் கோமதி, மீனா மற்றும் கதிர்.

தனது அண்ணன் மகளின் நிலையை கண்டு கவலையில் உறையும் கோமதி என்ன செய்வது என்று அறியாமல் தடுமாற்றத்தில் உள்ளார். இந்த பிரச்சனையை எப்படி சமாளிப்பது என்று அறியாமல் இருக்கும் கோமதி ஊர் மக்களின் அவச்சொல்லை எண்ணி கவலை அடைகிறார். ராஜி தான் ஏமாந்ததை நினைத்து தற்கொலை முயற்சிக்கு முயல்கிறார். 

கோமதி தனது அண்ணன் மகளின் மானத்தையும், அண்ணனின் கௌரவத்தை காப்பாற்ற ராஜிக்கு தனது மகன் கதிர் உடன் திருமணம் நடத்த முயற்சி செய்கிறார். இதற்காக கதிரின் காலில் விழுகிறார். மறுபுறம் இந்த சூழலை பற்றி தெளிவாக ரஜினியிடம் சொல்லி ராஜியின் சம்மதத்தோடு கதிர் - ராஜி இருவருக்கும் திருமணம் நடத்த ஏற்பாடுகள் செய்து இவர்களுக்கு திருமணம் நடத்துகின்றனர். பாக்கியா - கோமதி.