Romeo Vs DeAr: இந்த வார ரிலீஸ் படங்களில் மண்ணை கவ்விய திரைப்படம் என்ன தெரியுமா?

ரோமியோ - இயக்குனர் விநாயக் வைத்தியநாதன் இயக்கத்தில் விஜய் ஆன்டனி, மிர்னாலினி ரவி முன்னணி கதாபாத்திரத்தில் நடித்திருக்கும் காதல் - நகைச்சுவை திரைப்படம். இப்படத்தின் நாயகன் விஜய் ஆன்டனி ரோமியோ படத்தில் தயாரிப்பாளராக 'விஜய் ஆன்டனி பிலிம் கார்பரேஷன்' தயாரிப்பு நிறுவனத்தின் மூலம் தயாரிக்க, இசையமைப்பாளர் பரத் தனசேகர்...

டியர் - இயக்குனர் ஆனந்த் ரவிச்சந்திரன் இயக்கத்தில் ஜி வி பிரகாஷ் குமார் & ஐஸ்வர்யா ராஜேஷ் முன்னணி கதாபாத்திரத்தில் நடித்திருக்கும் காதல் - நகைச்சுவை திரைப்படம். இப்படத்தினை தயாரிப்பாளர் வருண், அபிஷேக் ராமிசெட்டி தயாரிக்க, இசையமைப்பாளரும் இப்படத்தின் நாயகனுமான ஜி வி பிரகாஷ் குமார் இசையமைத்துள்ளார்.காதல் மற்றும்...

மலேசியாவில் வேலை பார்த்து விட்டு சொந்த ஊர் திரும்பும் 35 வயது நபரான விஜய் ஆண்டனிக்கு நடிகையாக ஆசைப்படும் மிருணாளினி ரவியை திருமணம் செய்து வைக்கின்றனர். விருப்பமில்லாமல் திருமணம் செய்துக் கொள்ளும் மிருணாளினி ரவி விவாகரத்து செய்ய முடிவு செய்கிறார். மனைவியை ஒரு தலையாக காதலிக்கத் தொடங்கும் விஜய் ஆண்டனி மனைவிக்கு பிடித்தவராக மாற முயற்சி செய்வதும் இறுதியில் என்ன ஆனது என்பதும் தான் இந்த படத்தின் கதை.

சின்னதா ஒரு டிவி சேனலில் வேலை பார்த்து வரும் அர்ஜுன் (ஜி.வி. பிரகாஷ்) லேசா சத்தம் கேட்டாலும் எழுந்து விடும் பழக்கம் கொண்டவர். குன்னூரில் தனியார் நிறுவனத்தில் வேலை பார்த்து வரும் தீபிகா (ஐஸ்வர்யா ராஜேஷ்) தூக்கத்தில் முரட்டுத்தனமாக குறட்டை விடும் பழக்கம் உடையவர். அதன் காரணமாகவே திருமணம் லேட்டாகி வருகிறது. பெரிய சேனலில் வேலைக்கு செல்ல வேண்டும் என துடித்துக் கொண்டிருக்கும் அர்ஜுன் தீபிகாவை திருமணம் செய்துக் கொண்ட பின்னர், தூங்க கூட முடியாமல் ஒரு கட்டத்தில் தனது வேலையையே இழக்கிறார். இதற்கு மேல் செட்டாகாது என நினைக்கும் அவர் தீபிகாவிடம் டைவர்ஸ் கேட்க, அதன் பின்னர் என்ன ஆனது என்பது தான் டியர் படத்தின் கதை.

ரோமியோ படத்தின் நாயகன் விஜய் ஆன்டனி மற்றும் டியர் படத்தின் நாயகன் ஜி வி பிரகாஷ் குமார் இருவரும் தமிழ் சினிமாவில் ஆரம்பகாலத்தில் இசையமைப்பாளராக பணியாற்றி பிரபலமானவர்கள். பின்னர் நடிப்பில் ஆர்வம் கொண்டு தற்போது நாயகனாக பல படங்கள் நடித்து வருகின்றனர். தற்போது இவர்கள் ஒரே நாளில் 2024 ஏப்ரல் 14ல் ரோமியோ மற்றும் டியர் படத்தின் மூலம் மோதியுள்ளனர்.

ரோமியோ vs டியர் என ஒரே நாளில் வெளியான இந்த இரண்டு படங்களையும் ஒற்றுமை படுத்தி வெற்றி /தோல்வி பற்றிய விமர்சனத்தில் ரோமியோ படம் வெற்றி பெற்றுள்ளது. நகைச்சுவை - காதல்  என திரைக்கதையில் வெரைட்டி காட்டி நடித்துள்ளார், விஜய் ஆன்டனி.

குட் நைட் பட பாணியில் டியர் படத்தினை இயக்கியுள்ளார், படக்குழுவினர். இதில் சுவாரசியம் என்பது சிறிதளவு கூட இல்லாத திரைக்கதையில் நடிகர் ஜி வி பிரகாஷ் குமார் நடித்திருக்கிறார்.

ரம்ஜான் ஸ்பெஷல் படங்களில் வெற்றி பெற்றது ரோமியோ