பாகுபலி மீண்டுவிட்டான்... சலார் படம் மூலம் லியோ படத்தின் சாதனையை துவம்சம் செய்த பிரபாஸ்

சலார் இயக்குனர் பிரஷாந்த் நீல் இயக்கத்தில் பிரபாஸ் முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தினை கே.ஜி.எஃப் திரைப்படத்தின் தயாரிப்பு நிறுவனமான ஹொம்பாளே பிலிம்ஸ் நிறுவனம் சார்பில் தயாரிப்பாளர் விஜய் கிரகண்டுர் இப்படத்தினை தயாரிக்க, இசையமைப்பாளர் ரவி பஸ்ரூர் இசையமைத்துள்ளார்.

அதிரடி படமாக உருவாகியுள்ள சலார் படத்திற்கு ஒளிப்பதிவாளர் புவன் கவுடா ஒளிப்பதிவு செய்ய படத்தொகுப்பாளர் உஜ்வல் குல்கரனி எடிட்டிங் செய்துள்ளார். சலார் படம் ஒரு பேன் இந்திய திரைப்படமாக தமிழ், மலையாளம், தெலுங்கு, கன்னடம் மற்றும் ஹிந்தி மொழியில் உருவாகிறது.

இரு உயிர் நண்பர்கள் விரோதியாக மாறி இரு துருவங்களாக மாறுகின்றனர். எதற்காக, எப்படி பின் என்ன நடக்கிறது என்பதே இப்படத்தின் கதைக்கரு.

கதை ரீதியில் இப்படம் மோசமான விமர்சனம் பெற்றுள்ள நிலையில், படமாக்கப்பட்ட விதத்தில் இப்படம் பலரை கவர்ந்துள்ளது. பெரிய அளவில் பிரபலமாகியுள்ள சலார் படம் விமர்சன ரீதியாக புகழ் பெற்றுள்ளது.

பாகுபலி படத்தின் வெற்றி மூலம் இந்திய அளவில் பிரபலமாகி புகழ் பெற்றுள்ளார், நடிகர் பிரபாஸ். இவர் நடிக்கும் படங்கள் பெரும்பாலும் இந்திய அளவில் எதிர்பார்க்கப்படுகிறது. இதனால் பெரிய பொருட்செலவில் உருவாகும் பிரபாஸ் நடிக்கும் படங்கள் தமிழ், தெலுங்கு, கன்னட, மலையாளம் மற்றும் ஹிந்தி மொழியில் உருவாகி ஒரு பான் இந்திய படமாக வெளியாகி வருகிறது.

சலார் படம் இரண்டு பாகங்கள் உடைய படமாக உருவாகி, முதற்கட்டமாக இப்படத்தின் முதல் பாகம் 2023 டிசம்பர் 22ல் உலகமெங்கும் வெளியாகியுள்ளது. இப்படத்திற்கு தமிழக திரைப்பட தணிக்கை குழு 'ஏ' சான்றிதழ் அளித்துள்ளது. பான் இந்திய படமாக வெளியாகும் இப்படம் பல மொழியில் டப்பிங் செய்யப்பட்டு பல இடங்களில் பெரும்பாலனாக திரையரங்கில் வெளியாகியுள்ளது.

சலார் படம் வெளியான முதல் நாளில் உலகளவில் மொத்தம் 178.7 கோடிகள் வசூல் செய்துள்ளது. இதுவரை எந்த இந்திய திரைப்படமும் படைக்காத பிரமாண்ட சாதனையை சலார் படம் படைத்துள்ளது. பல படங்களின் முதல் நாள் வசூலை முந்திய சலார் படம் பலரால் கொண்டாடப்பட்டு வசூல் ரீதியாக வெற்றி படமாக அமைந்துள்ளது.

இந்த ஆண்டு தமிழ் சினிமாவில் வெளியான லியோ படம் முதல் நாள் வசூல் நிலவரத்தில் 148 கோடிகளில் முதல் இடத்தில் இருந்து வந்துள்ள நிலையில், சலார் படம் வெளியாகி லியோ படத்தின் வசூல் சாதனையை துவம்சம் செய்துள்ளது.