சன் டிவி சீரியல் படைத்த பிரமாண்ட சாதனை, No 1 இடத்தில் கெத்து காட்டிய எதிர்நீச்சல்

சன் தொலைக்காட்சியில் இயக்குனர் திருச்செல்வம் இயக்கத்தில் உருவாகி வரும் எதிர்நீச்சல் சீரியல் வரலாற்று டி.ஆர்.பி பெற்று பெரும் சாதனை படைத்துள்ளது. இந்த சீரியலில் மாரிமுத்து, மதுமிதா ஷெட்டி, ஹரி பிரியா, பிரியதர்சினி, கனிகா என பல பிரபலங்கள் முன்னணி கதாபாத்திரத்தில் நடித்து வருகின்றனர். பட்டி தொட்டி என பல இடங்களில் பெரிய அழகில் இந்த சீரியல் கொண்டாடப்பட்டு வருகிறது.

முதலில் இந்த சீரியலுக்கு சராசரியாக  6.11 டி ஆர் பி ரேட்டிங் வந்துள்ள நிலையில், தற்போது இந்த சீரியலின் டி ஆர் பி 11.6 என உயர்ந்துள்ளது. இதுவரை எந்த சீரியலும் பெறாத அளவிற்கு இந்த சீரியலின் ரேட்டிங் உயர்ந்துள்ளது. இரவு 9:30 மணிக்கு சன் தொலைக்காட்சியில் ஒளிபரப்பாகும் இந்த சீரியல் மாபெரும் வெற்றி பெற்றுள்ளது. இரவு 9:30 மணிக்கு பெரிய ரசிகர்கள் இல்லை என இந்த சீரியலுக்கு சில விமர்சனங்கள் எழுந்து வந்த நிலையில், தற்போது இந்த சீரியல் படைத்துள்ள சாதனை பெரிய அளவில் பேசப்படுகிறது.

ஆதிரையின் திருமணம் யாரோடு என்ற பரபரப்பு தான் இதற்கு காரணம். கரிகாலன் மற்றும் அருண் என இரு கதாபாத்திரங்கள் ஆதிரையை திருமணம் செய்ய முயற்சித்த நிலையில் இறுதியில் கரிகாலன் ஆதிரையை திருமணம் செய்துள்ளார். இந்த திருமண நிகழ்வை சிறப்பான முறையில் உருவாக்கி ரசிகர்களை தினமும் இரவு 9:30 மணிக்கு காணவைத்துள்ளார், திருச்செல்வம்.

எதிர்நீச்சல் சீரியல் தொலைக்காட்சி ரேட்டிங் நிலவரத்தில் பின்னடைவு கண்டு வந்துள்ள நிலையில் தற்போது ப்ளாக்பஸ்டர் ரேட்டிங் பெற்று சாதனை படைத்துள்ளது. சன் தொலைக்காட்சியில் மூன்றாவது இடத்தில இருந்து வந்துள்ள எதிர்நீச்சல் சீரியல், சன் நெக்ஸ்ட் செயலில் முதல் இடத்தை பெற்று வந்துள்ளது. இரவு நேரத்தில் இந்த சீரியலை காண முடியாத பல ரசிகர்கள் மறுநாள் சன் நெக்ஸ்ட் செயலில் இந்த சீரியலை கண்டு தங்களின் ஆதரவை அளித்து வந்துள்ளனர். தற்போது இந்த சீரியல் தொலைக்காட்சியிலும் முதல் இடத்தை பெற்றுள்ளது.