தமிழை கட்டி அணைத்த மேகனா... தமிழும் சரஸ்வதியும் சீரியலில் பரபரப்பு

தமிழும் சரஸ்வதியும் - ஸ்டார் விஜய் தொலைக்காட்சியில் ஒளிபரப்பாகி வரும் பிரபல தமிழ் சின்னத்திரை சீரியல். இந்த சீரியலை விகடன் நிறுவனம் உருவாக்கி விஜய் தொலைக்காட்சி தயாரிப்பில் ஒளிபரப்புகிறது. சுவாரஸ்யமான திரைக்கதை மற்றும் ட்விஸ்ட் என பல மாற்றங்கள் செய்து ரசிகர்கள் மத்தியில் நல்ல வரவேற்பினை பெற்றுள்ளனர், இந்த சீரியலின் குழுவினர்.

அடுத்தடுத்த திரைக்கதை மாற்றம் மற்றும் சவால்கள் என இந்த தமிழும் சரஸ்வதியும் சீரியலில் பல விஷயங்கள் வடிவமைத்து மக்களின் பேராதரவில் பிரபலமாக்கியுள்ளனர், ஸ்டார் விஜய் நிறுவனம். இந்த சீரியலின் இந்த வாரம் நவம்பர் 20 முதல் 25, 2023 வாரத்திற்கான ப்ரோமோ வீடியோ வெளியாகியுள்ளது, இதனை பற்றிய முழு விவரங்கள் இங்கு விரிவாக காணலாம்.

தமிழும் சரஸ்வதியும் சீரியலில் புதிதாக மேகனா என்ற கதாபாத்திரத்தை அறிமுகம் செய்துள்ளனர், சீரியல் குழுவினர். இந்த கதாபாத்திரத்தில் பிரபல கன்னட சினிமா நடிகை 'அக்ஷிதா போபையா' நடித்துள்ளார். இவர் கன்னட சினிமாவில் நாயகியாக சில படங்களில் நடித்து பலரின் கவனத்தை கவர்ந்தவர். சின்னத்திரை மற்றும் வெள்ளித்திரை என கலக்கும் இவர் தமிழ் சினிமாவில் தமிழும் சரஸ்வதியும் மெகா தொடர் மூலம் ஸ்டார் விஜய் தொலைக்காட்சியில் என்ட்ரி அளித்துள்ளார். அக்ஷிதா போபையா இந்த சீரியலில் நாயகன் தமிழை ஒரு தலையாக காதலித்து வரும் கதாபாத்திரத்தில் நடித்துள்ளார்.

அர்ஜுனின் சூழ்ச்சியில் சிக்கிய கோதை குடும்பம் தணித்து தங்களின் வாழ்வை முன்னேற்றத்தில் கொண்டு கொண்டு செல்கின்றனர். கோதை குடும்பத்தின் வளர்ச்சியை பொறுத்துக்கொள்ளாத அர்ஜுன் மீண்டும் தனது சூழ்ச்சிகளை தொடங்கியுள்ளார். சூழ்ச்சி செய்து தமிழ் நிறுவனத்தில் தீ பற்ற வைத்த அர்ஜுன் தொழில் சில இடையூறுகள் செய்து பல இன்னல்களில் தமிழை சிக்க வைத்துள்ளார்.

இதனால் பெங்களூரில் உள்ள மேகனா என்பவரை கண்டு தனது தொழில் ரீதியாக உதவி கேட்க வரும் தமிழை மேகனா ஒரு தலையாக காதலிக்க தொடங்கியுள்ளார்.

தனது நிறுவனத்தில் நீண்ட காலமாக பணியாற்றும் தொழிலார்களை அவமரியாதை செய்யும் அர்ஜுன், நிர்வாகத்தினை பராமரிப்பதை விடுத்து தமிழின் வளர்ச்சியை தடுக்க பாடுபட்டு வருகிறார். இதனால் இவரது நிறுவனத்தில் பல வேலைகள் முடங்குகிறது. இதனால் சரியான நேரத்தில் வேலைகள் முடிக்கப்படாமல் இருப்பதினால் இவரிடம் இருந்து அந்த ஆர்டர்கள் தமிழ் நிறுவனத்திற்கு கைமாறுகிறது.

இதற்காக பெங்களூரு நிறுவனத்திற்கு வந்து தமிழை பற்றி தவறாக சொல்லி அந்த ஆர்டர்களை திரும்ப பெறுவதற்கு வந்துள்ளார்.

சிறந்த தொழிற்சங்க முதலாளிகளுக்கான ஒரு போட்டி நடக்கிறது. இதில் மேகனா இந்த ஆண்டின் சிறந்த சுய தொழில் நிர்வாகிக்கான பட்டம் வெல்கிறார். இதனை கண்டு பொறுக்க முடித்த சில முதலாளிகள் மேகனாவை விமர்சித்து பேசி சங்கடப்படுத்துகின்றனர். இதனை கண்டு அவர்களை கண்டித்து தமிழ் மேகனாவின் புகழை உயர்த்துகிறார். தமிழ் தனக்காக பேசுவதை கண்ட மேகனா தமிழை கட்டி அணைக்கிறார்.

மேகனா தமிழை கட்டி அணைக்கும் தருணத்தை கண்ட அர்ஜுன் இவர்களின் உறவின் மீது சந்தேகம் கொள்கிறார். இதனை தொடர்ந்து புதிதாக ஒரு சூழ்ச்சி செய்ய திட்டமிடுகிறார், அர்ஜுன்.