சிவகார்த்திகேயனுக்கு செக்! மாவீரன் படத்தை கைப்பற்றிய உதயநிதியின் ரெட் ஜெயன்ட்: முழு விவரங்கள் இதோ

சிவகார்த்திகேயன் - தமிழ் சினிமாவில் முன்னணி முக்கிய நடிகர்களில் ஒருவர். இவர் நடித்த பல திரைப்படங்கள் தமிழ் சினிமாவில் பிரமாண்ட வெற்றி கண்டுள்ளது. இவரது திரைப்படங்கள் ரசிகர்களின் வரவேற்பில் கொண்டாடப்பட்டு 100 கோடிகளுக்கு மேல் வசூல் சாதனை செய்துள்ளது. தற்போது சிவாகார்த்திகேயன் நடிக்கும் புதிய திரைப்படத்தின் ரிலீஸ் தகவல்கள் பற்றிய விவரங்கள் இங்கு உள்ளன.

சிவகார்த்திகேயன், அதிதி ஷங்கர், சரிதா என பல நட்சத்திரங்கள் நடித்திருக்கும் அதிரடி - திரில்லர் திரைப்படம். இப்படம் 2023 ஜூலை மாதம் 14ல் திரையரங்கில் வெளியிட திட்டமிட்டுள்ளது, படக்குழு. இப்படத்தினை தமிழகம் முழுவதும் லைக்கா நிறுவனம் ரிலீஸ் செய்ய இருந்த நிலையில், தற்போது இப்படத்தின் விநியோக உரிமையை ரெட் ஜெயன்ட் நிறுவனம் பெற்றுள்ளது.

சிவகார்த்திகேயன் நடித்துள்ள மாவீரன் திரைப்படம் 2023 ஜூலை 14ல் வெளியாகவுள்ள நிலையில் தீடிரென இப்படத்தின் வெளியீட்டு உரிமையை ரெட் ஜெயன்ட் மூவிஸ் நிறுவனம் கைப்பற்றியுள்ளது. தமிழ் சினிமாவில் நடிகர் சிவகார்த்திகேயனுக்கு ஏற்பட்ட கடன் சுமை தான் இதன் காரணம் என கூறியுள்ளார், திரையுலக வட்டாரங்கள்.

கொட்டப்படி ஜே ராஜேஷ் - தமிழ் சினிமாவில் முன்னணி தயாரிப்பாளர்களில் ஒருவர். இவர் சிவகார்த்திகேயனின் அயலான், டாக்டர் என பல திரைப்படங்கள் தயாரித்துள்ளார். டாக்டர் படத்தின் ரிலீஸ் தருணத்தில் தயாரிப்பாளர் ராஜேஷ்-யை முற்றுகையிட்டு படத்தை ரிலீஸ் செய்ய விடாமல் தடுத்துள்ளனர். அச்சமயம் சிவகார்த்திகேயன் தனது சம்பளத்தை விட்டுக்கொடுத்து இப்படத்தினை ரிலீஸ் செய்ய உதவினார்.

தமிழ் திரையுலகின் முக்கிய தயாரிப்பு நிறுவனமான லைக்கா நிறுவனத்தில் தற்போது ஐ.டி நிறுவனம் ரெய்டு செய்து இருக்கிறது. இதனால் சிவகார்த்திகேயனின் மாவீரன் திரைப்படம் தமிழகத்தில் ரிலீஸ் ஆக தடங்கல் வரும் என நினைத்த சிவகார்த்திகேயன், தற்போது இப்படத்தினை உதயநிதியின் ரெட் ஜெயன்ட் மூவிஸ் நிறுவனத்திடம் ஒப்படைத்துவிட்டார். பின் உதயநிதியின் ரெட் ஜெயன்ட் மூவிஸ் இப்படம் தமிழகம் முழுவதும் ரிலீஸ் செய்வதாக அதிகாரப்பூர்வ அறிவிப்பை வெளியிட்டது.

உதயநிதி ஸ்டாலின் - தமிழ் சினிமாவில் நடிகர் மற்றும் தயாரிப்பாளராக பணியாற்றி வருகிறார். இவர் பல படங்களுக்கு தமிழகத்தில் மட்டும் விநியோகம் செய்துள்ளார். தற்போது இவர் மாவீரன் படத்தினை 2023 ஜூலை 14ல் விநியோகம் செய்யவுள்ளார். தமிழ் சினிமாவில் இவர் நடிக்கும் மாமன்னன் திரைப்படம் வெளியாக தயாராக உள்ளது.

சிவகார்த்திகேயனின் மாமன்னன் படத்தின் ரிலீஸ் செய்ய உதயநிதி ஸ்டாலின் உதவிய காரணத்தால், சிவகார்த்திகேயன் மாமன்னன் படத்தின் ஆடியோ லான்ச் நிகழ்ச்சியில் பங்கேற்று தனது நன்றியை வெளிப்படுத்தியுள்ளார். மாமன்னன் பட ஆடியோ லான்ச் நிகழ்ச்சியில் சிவகார்த்திகேயன் தான் நடிக்கும் புதிய பட கெட்டப்பில் பங்கேற்று பலரின் கவனத்தை கவர்ந்துள்ளார்.