தமிழ் படங்களில் நடித்து கலக்கிய புகழ்பெற்ற கிரிக்கெட் வீரர்கள்

இர்பான் பதான் - 2022 ஆம் ஆண்டு 'சியான்' விக்ரம் நடிப்பில் வெளியான 'கோப்ரா' படத்தில் நடித்து தன் திரைப்பயணத்தை தொடங்கியுள்ளார். இப்படம் ஒரு பான் இந்தியா படமாக உருவாகி வெளியானது. இப்படத்தின் மூலம் இவர் தமிழ் - தெலுங்கு - மலையாளம் - ஹிந்தி & கன்னட மொழி திரை ரசிகர்களின் கவனத்தை கவர்ந்து பெரிய அளவில் புகழ் பெற்றார். இவரின் முதல் படத்திலையே மக்கள் மத்தியில் பிரபலமான இவர், அடுத்தடுத்து பல படங்களில் நடித்து இந்திய சினிமாவை வலம் வருவார் என எதிர்பார்க்கப்படுகிறது.

ஹர்பஜன் சிங் - தமிழ் மக்கள் மத்தியில் கொண்டாடப்படும் ஒரு கிரிக்கெட் வீரர் ஆவார். இந்திய அணிக்காக விளையாடிய இவர், பின் ஐபிஎல் போட்டிகளில் பங்கேற்று பலரின் கவனத்தை கவர்ந்தார். ஐபிஎல் போட்டியில் மும்பை இந்தியன்ஸ் அணிக்காக விளையாடிய இவர், பின் சென்னை அணிக்காக விளையாட தொடங்கினார். சென்னை மக்களின் அன்பை பெற்ற இவர், அடுத்து திரைத்துறையில் அறிமுகமானார். பிரண்ட்ஷிப் & டிக்கிலோனா படத்தில் ஒரு முக்கிய கதாபாத்திரத்தில் நடித்து தமிழ் திரைரசிகர்களால் கொண்டாடப்பட்டுள்ளார்.

ஸ்ரீஷாந்த் - கேரளா மாநிலத்தை சேர்ந்த இந்திய கிரிக்கெட் வீரர். இவர் 2022 ஆம் ஆண்டு இயக்குனர் விக்னேஷ் சிவன் இயக்கியத்தில் விஜய் சேதுபதி - நயந்தாரா - சமந்தா நடித்துள்ள 'காத்துவாக்குல ரெண்டு காதல்' திரைப்படத்தில் நடித்து தன் திரைப்பயணத்தை தொடங்கியுள்ளார். இப்படத்தில் இவர் நடிகை சமந்தாவின் காதலன் கதாபாத்திரத்தில் நடித்துள்ளார்.

சடகோபன் ரமேஷ் - இந்திய அணிக்காக கிரிக்கெட் ஆடிய தமிழ் நாட்டை சேர்ந்த வீரர். இவர் போட்டா போட்டி படத்தில் நாயகனாக நடித்து தன் திரைப்பயணத்தை தொடங்கியுள்ளார். இப்படம் ஒரு கிரிக்கெட் விளையாட்டை அடிப்படையாக கொண்டு உருவான நகைச்சுவை திரைப்படம். பின் இவர் சந்தோஷ் சுப்பிரமணியன் திரைப்படத்தில் நடிகர் ஜெயம் ரவி-க்கு அண்ணன் கதாபாத்திரத்தில் நடித்துள்ளார்.

ஐ.பி.எல் தொடரில் சென்னை அணிக்காக விளையாடிய மேற்கு வங்க வீரர். ஐபிஎல் மூலம் இவர் சென்னை மக்களின் அன்பை பெரிய அளவில் கவர்ந்து பிரபலமாகியுள்ளார். 'சித்திரம் பேசுதடி 02' திரைப்படத்தில் இவர் ஒரு பாடலுக்கு நடனம் ஆடியுள்ளார்.