Thug Life - மொத்த டீமும் மாறுதா?.. தக் லைஃப்ல இப்போ யாரெல்லாம் நடிக்கிறாங்க தெரியுமா?

தமிழ் சினிமாவில் பல வெற்றி படங்கள் மூலம் ரசிகர்கள் மற்றும் சினிமா பிரபலங்கள் மத்தியில் கொண்டாடப்படும் பிரபலம், மணிரத்னம். இவர் நாயகன், தளபதி, பொன்னியின் செல்வன் என பல வெற்றி படங்கள் மூலம் பிரபலமானவர். இவர் இயக்கத்தில் கமல் நடிக்கும் படத்திற்கு 'தக் லைஃப்' என்ற படம் உருவாகி வருகிறது.

ரோஜா படத்தின் மூலம் இசையமைப்பாளராக அறிமுகமானவர், ஏ ஆர் ரஹ்மான். இவர் பல வெற்றி படங்களுக்கு இசையமைப்பாளராக பணியாற்றி பிரபலமானவர். தற்போது மணிரத்னம் இயக்கத்தில் கமல் ஹாசன் நடிக்கும் 'தக் லைஃப்' படத்திற்கு இசையமைப்பாளராக ஒப்பந்தமாகி பணியாற்றி வருகிறார்.

கமல் ஹாசன் - தமிழ் சினிமாவில் 'உலக நாயகன்' என்ற புனைப்பெயர் கொண்டு ரசிகர்கள் மத்தியில் கொண்டாடப்படும் பிரபலம். இவர் பல வெற்றி படங்கள் நடித்தும், தயாரித்தும் தமிழ் சினிமாவில் பணியற்றி வருகிறார். நாயகன் படத்திற்கு அமைந்த கமல் - மணிரத்னம் கூட்டணி தற்போது தமிழ் சினிமாவில் மீண்டும் அமைந்துள்ளது. மணிரத்னம் இயக்கும் 'தக் லைஃப்' திரைப்படத்தின் மூலம் இந்த வெற்றி கூட்டணி தமிழ் சினிமாவில் உருவாகி வருகிறது, இப்படத்திற்கு ரசிகர்கள் மத்தியில் பெரிய எதிர்பார்ப்பு உள்ளது.

'தக் லைஃப்' திரைப்படத்தில் முதலில் ஒப்பந்தமான மலையலா நடிகர் துல்கர் சல்மான் இப்படத்தில் இருந்து விலக, அவருக்கு பதில் நடிகர் சிலம்பரசன் நடிக்க ஒப்பந்தமாகியுள்ளார். செக்க சிவந்த வானம் படத்தில் ஏற்கனவே சிலம்பரசன் - மணிரத்னம் கூட்டணி அமைந்து வெற்றி படமாக உருவானதை தொடர்ந்து தற்போது மீண்டும் இந்த கூட்டணி அமைந்துள்ளது. நடிகர் சிலம்பரசன் இப்படத்தில் கமல்ஹாசனின் மகன் கதாபாத்திரத்தில் நடிக்கிறார் என தகவல்கள் வெளியாகியுள்ளது.

ஜெயம் ரவி - 'தக் லைஃப்' திரைப்படத்தில் இவர் ஒரு முக்கிய கதாபாத்திரத்தில் நடித்து வருகிறார். இவரது கதாபாத்திரம் பற்றிய அப்டேட் இன்னும் படக்குழு சார்பில் வெளியிடப்படவில்லை.

அபிராமி - தமிழ் சினிமாவில் விருமாண்டி படத்தில் நாயகியாக நடித்து பிரபலமானவர், இவர் தற்போது மீண்டும் கமல்ஹாசனுக்கு ஜோடியாக 'தக் லைஃப்' படத்தில் நடித்து வருகிறார்.

திரிஷா கிருஷ்ணன், இயக்குனர் மணிரத்னமும் இயக்கம் 'தக் லைஃப்' படத்தில் நாயகியாக நடித்து வருகிறார். ஆனால் இவர் எந்த நடிகருக்கு ஜோடியாக நடிக்கிறார் என்ற தகவல்கள் இன்னும் வெளியாகவில்லை. இவர் சென்ற ஆண்டு பொன்னியின் செல்வின் படத்தில் குந்தவை கதாபாத்திரத்தில் நடித்து பலரின் கவனத்தை கவர்ந்துள்ளார்.

கவுதம் கார்த்திக் - தமிழ் சினிமாவில் வளர்ந்து வரும் ஒரு இளம் நடிகர் ஆவார். பல படங்களில் நடித்து வரும் இவர் தற்போது இயக்குனர் மணிரத்னம் இயக்கி வரும் 'தக் லைஃப்' படத்தில் நடித்து வருகிறார். இவரை கடல் படம் மூலம் சினிமாவில் அறிமுகப்படுத்தியதே இயக்குனர் மணிரத்னம் தான்.

ஜோஜு ஜார்ஜ் - பிரபல மலையாள சினிமா நடிகர் ஆவார். இவர் தனுஷ் நடித்த ஜகமே தந்திரம் படத்தில் நடித்து ஏற்கனவே தமிழ் படத்தில் அறிமுகமாகியுள்ளார். இவர் தற்போது 'தக் லைஃப்' திரைப்படத்தில் ஒரு முக்கிய கதாபாத்திரத்தில் நடித்து வருகிறார். இவரது கதாபாத்திரம் பெரும்பாலும் ஒரு வில்லன் கதாபாத்திரமாக இருக்கக்கூடும் என பலர் கூறுகின்றனர்.

ஐஸ்வர்யா லட்சுமி - தமிழ் சினிமாவில் பல வெற்றி படங்களில் நடித்த இவர், பல்வேறு கதாபாத்திரத்தில் மூலம் மக்களின் கவனத்தை கவர்ந்துள்ளார். இவர் பொன்னியின் செல்வன் திரைப்படத்தில் நடித்த பூங்குழலி கதாபாத்திரம் பெரிய அளவில் ரசிகர்கள் மத்தியில் பேசப்பட்டது. இவர் தற்போது 'தக் லைஃப்' திரைப்படத்தில் ஒரு முக்கிய கதாபாத்திரத்தில் நடித்து வருகிறார்.

தமிழ் சினிமாவில் நடிகர், தயாரிப்பாளராக பணியாற்றி வரும் பிரபலம், உதயநிதி ஸ்டாலின். இவர் 'தக் லைஃப்' திரைப்படத்தில் தயாரிப்பளராக பணியாற்றி வருகிறார். இவரின் ரெட் ஜெயண்ட் மூவிஸ் நிறுவனம் மூலம் 'தக் லைஃப்' படத்தினை தயாரித்து உலகமுழுவதும் விநியோகம் செய்ய உள்ளார்.