வீர தீர சூரன் பாகம் 2: முக்கிய நடிகர்கள் மற்றும் படக்குழுவினர்கள் பற்றி சிறப்பு பட்டியல்

2012-ஆம் ஆண்டு குறும்படங்களை இயக்கி பின்னால் 2014-ஆம் ஆண்டு தமிழ் சினிமாவுக்கு இயக்குனராக அறிமுகமானவர் எஸ். யு. அருண்குமார். கலைஞர் தொலைக்காட்சியில் ஒளிபரப்பான நாளைய இயக்குனர் என்னும் நிகழ்ச்சியின் மூலம் பிரபலமான இவர் பண்ணையாரும் பத்மினியும் சித்தா என்ற ஹிட் திரைப்படங்களை கொடுத்து மக்கள் மனதில் நீங்காத இடம் பிடித்தவர். 

நடிகர் விக்ரமுக்கு அறிமுகமே தேவையில்லை, இவரது நடிப்பிற்கு சிறியவர்கள் முதல் பெரியவர்கள் வரை பெரிய ரசிகர் பட்டாளம் இருக்கின்றது. சேது, பிதாமகன், ஐ, தெய்வத்திருமகள், முதல் சமீபத்தில் வெளியான தங்களான் வரை இவரதுபர்ஃபாமன்ஸையும் டெடிகேஷனையும் சொல்ல வார்த்தையே இல்லை.  இவர் வீர தீர சூரன் திரைப்படத்தில் காளி என்னும் கதாபாத்திரத்தில் நடித்திருக்கிறார்.

துஷார விஜயன் தமிழ் திரைப்பட நடிகை ஆவார். இவர் போதை ஏறி புத்தி மாறி திரைப்படத்தில் நடித்து தமிழில் அறிமுகமானவர். 2021 ஆம் ஆண்டு சார்பட்டா பரம்பரை திரைப்படத்தில் நாயகியாக நடித்து தமிழ் சினிமா ரசிகர்கள் மத்தியில் பிரபலமானவர். வீர தீர சூரன் திரைப்படத்தில் துஷாரா விஜயன் விக்ரம்க்கு ஜோடியாக கல்யாணி என்னும் கதாபாத்திரத்தில் நடித்துள்ளார்.  

வாலி, குஷி போன்ற சிறந்த படங்களில் இயக்குனராக அறிமுகமாகி பின்னர் நடிப்பு அரக்கனாக உருவெடுத்தவர் தான் எஸ். ஜே. சூர்யா. ஸ்பைடர், மாநாடு, மார்க் ஆண்டனி என்னும் திரைப்படங்களில் இவரது நடிப்பு மக்கள் மனதில் நீங்காத இடம் பிடித்தது. இவர் இந்த படத்தில் எஸ் பி அருணகிரி என்னும் ஒரு போலீஸ் கதாபாத்திரத்தில் நடித்துள்ளார். 

ஜி.வி.பிரகாஷ் குமார் ஒரு முக்கிய திரையுலகில் இசையமைப்பாளர், பாடகர், பாடலாசிரியர், நடிகர் என பன்முகம் கொண்டு பணியாற்றி வருகிறார். திரைத்துறையில் இசையமைப்பாளராக அறிமுகமான இவர், பாடலாசிரியர், பாடகராக பணியாற்றி பிரபலமாகியுள்ளார். இந்த படத்தில் அவரது சிறந்த இசையை வெளிப்படுத்தி இருக்கின்றார். 

வீர தீர சூரன்  திரைப்படத்தின் ஒளிப்பதிவு அனைத்தும் தேனி ஈஸ்வர் கையாண்டுள்ளார். இவர் மாமன்னன் வாழை, மேற்கு தொடர்ச்சி மலை, பேச்சுலர் போன்ற திரைப்படங்களில் ஒளிப்பதிவு செய்துள்ளார். இவரது ஒளிப்பதிவு இந்த படத்திற்கு ஒரு முக்கியமான பங்காக அமைந்தது. இந்து படத்தில் மொத்தம் எட்டு சீன்கள் மட்டுமே உள்ளன அனைத்து சீனும் பெரிய பெரிய சீனாக இயக்குனர் அருண் எழுதியுள்ளார். அதிலும் பல சிங்கிள் டேக் ஷாட்ஸ் இருந்தது என்று இயக்குனர் அருண் ஒரு பேட்டியில் குறிப்பிட்டு இருந்தார்.