வெற்றிமாறனின் விடுதலை: நாயகன் விஜய் சேதுபதி, ஆட்டநாயகன் சூரி கலக்கல் அப்டேட்

இயக்குனர் வெற்றி மாறன் இயக்கத்தில் அசுரன் படத்திற்கு பிறகு இவர் இயக்கும் திரைப்படம், விடுதலை. இப்படத்தில் விஜய் சேதுபதி, சூரி, பவானி ஸ்ரீ, கவுதம் மேனன் என பலர் நடிக்க, இளையராஜா இசையமைத்துள்ளார். இப்படம் 2023 மார்ச் மாதம் வெளியாகிறது.

விடுதலை திரைப்படத்தினை இயக்குனர் வெற்றிமாறன் இரண்டு பாகங்களாக இயக்க திட்டமிட்டுள்ளார். முதல் பாகத்தில் கதையின் தொடர்ச்சி கதாபாத்திரங்களின் தகவல்கள் என இயக்கியுள்ளார், வெற்றிமாறன். இப்படம் 2023, மார்ச் மாதம் 30ல் உலகம் முழுவதும் வெளியாகவுள்ளது. இப்படத்தின் இரண்டாம் பாகத்தினை அடுத்த 6 மாத காலத்திற்குள் வெளியிட உள்ளனர், படக்குழுவினர்.

மக்கள் புரட்சியாளரான விஜய் சேதுபதியை (பெருமாள் வாத்தியார்) கைதி செய்ய போலீஸ் தனி படை நியமித்து பணியாற்றுகிறது. துப்பாக்கி சூட்டில் திறமை உள்ள சூரி காவல் துறையில் எடுபிடி பணி  செய்து வருகிறார். இறுதியில் சூரியின் திறமைக்கேற்ப வேலை அவருக்கு கிடைத்ததா? பெருமாள் வாத்தியார் பிடிபட்டரா? என்பதே படத்தின் கதை.

இப்படத்தில் 'பெருமாள் வாத்தியார்' கதாபாத்திரம் பெரும் சிறப்புடையது. இந்த கதாபாத்திரத்தில் முதலில் பாரதி ராஜா நடித்து வந்துள்ளார். ஆனால் மலை பிரதேசங்களில் இப்படத்தின் படப்பிடிப்பு நடந்தது. கடும் குளிர் காரணமாக இப்படத்தில் இருந்து பாரதி ராஜா வெளியேறினார். பின் அவருக்கு பதில் பல நடிகர்களோடு பேச்சுவார்த்தை நடந்தது. இறுதியில் விஜய் சேதுபதி பெருமாள் வாத்தியாராக நடிக்க ஒப்பந்தமானார்.

இப்படத்தில் நாயகனாக நடிகர் சூரி அறிமுகமானார். ஆனால் 'பெருமாள் வாத்தியார்' கதாபாத்திரத்தில் விஜய் சேதுபதி நடிக்க ஒப்பந்தமானதும் அவருக்கான முக்கியத்துவம் இப்படத்தில் அதிகரித்தது. இறுதியில் படக்குழு சார்பில் விடுதலை படத்தின் நாயகன் விஜய் சேதுபதி கதையின் நாயகன் சூரி என்னும் தகவல்கள் அதிகாரப்பூர்வமாக வெளியாகின. தன் திறமையை நிரூபிக்க ஒரு போலீஸ் அதிகாரியின் முயற்சிதான் இப்படத்தின் கதை.

இப்படத்தில் கவுதம் மேனன், சேத்தன், பவானி ஸ்ரீ, சூரி, விஜய் சேதுபதி, தமிழ் என பல முன்னணி பிரபலங்கள் நடித்துள்ளனர். தமிழக காவல் படையினருக்கும் ஒரு புரட்சியாளருக்கும் நடக்கும் கதைக்களத்தில் பல பிரபலங்கள் தங்களின் நடிப்பை சரியான முறையில் வெளிப்படுத்தி அசத்தியுள்ளனர்.