Leo Movie: விமர்சன ரீதியில் நடிகர் விஜய்-க்கு ஹாட்ரிக் தோல்வியா? தயாரிப்பாளர் பதிலடி

இயக்குனர் லோகேஷ் கனகராஜ் இயக்கத்தில் விஜய், திரிஷா, அர்ஜுன், மன்சூர் அலிகான், கவுதம் மேனன் என பல பிரபலங்கள் நடித்திருக்கும் அதிரடி - திரில்லர் திரைப்படம், லியோ. இப்படத்தினை தயாரிப்பாளர் லலித் குமார் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார். இத்திரைப்படம் பிரமாண்ட முறையில் உருவாகி தமிழ் சினிமா ரசிகர்கள் மத்தியில் கொண்டாடப்படுகிறது.

நாயகன் விஜய் தனது இளம் வயது காலத்தில் பல தவறுகளை செய்து, பின் அங்கிருந்து தப்பித்து தனது அடையாளத்தை மாற்றி வேறு ஒரு அப்பாவித்தனமான நபராக வாழ்ந்து வருகிறார். ஒரு கட்டத்தில் விஜய்-யின் புகைப்படங்கள் பரவி அது வில்லன்களிடம் சிக்கி அதனை தொடர்ந்து விஜய்-யை தேடி அவரது கடந்த கால எதிரிகள் படை எடுக்கின்றனர். இறுதியில் என்ன ஆனது? என்பதே படத்தின் கதை.

லியோ திரைப்படத்தின் கதை ரசிகர்கள் மத்தியில் பெரிய அளவில் தாக்கத்தை ஏற்படுத்தவில்லை, இருப்பினும் இப்படம் படமாக்கப்பட்ட விதம் மற்றும் இப்படத்தின் டெக்னாலஜி & குறிப்பிட்ட கதாபாத்திரங்கள் ரசிகர்களால் கொண்டாடப்படுகிறது. லியோ திரைப்படம் பெரிய அளவில் விமர்சன ரீதியாக வெற்றி பெறவில்லை. இப்படத்தின் எதிர்பார்ப்புகள் மற்றும் ப்ரோமோஷன் என சில விஷயங்களில் கொடுக்கப்பட்ட பில்டப் இப்படத்தின் தரத்தை குறைத்துள்ளது. பல விமர்சர் மத்தியில் லியோ திரைப்படம் தோல்வி படமாக கருதப்படுகிறது.

வசூல் ரீதியாக தளபதி விஜய் நடிக்கும் படங்கள் தயாரிப்பாளர்கள் மத்தியில் வெற்றி படங்களாக அறியப்பட்டாலும், விமர்சன ரீதியாக விஜய்யின் நடிப்பில் வெளியான கடைசி 3 படங்களும் தோல்வி படங்களாக உள்ளது. விஜய் நடித்த பீஸ்ட் (2022), வாரிசு (2023) & லியோ (2023) ஆகிய திரைப்படங்கள் விமர்சன ரீதியாக தோல்வி படங்களாக உள்ள நிலையில், பல எதிர்ப்புகள் மற்றும் விமர்சனங்கள் விஜய் படத்திற்கு எழுந்துள்ளது.

முன்னணி நடிகர்களின் திரைப்படங்கள் லாபத்தை கருத்தில் கொண்டு உருவாக்கப்படுகின்றன. விமர்சனம் ரீதியாக வெற்றி / தோல்வி என்பது எந்த வகையிலும் முன்னணி நடிகர்களின் திரைப்பயணத்தை பாதிக்காது. வசூல் ரீதியான் நிலவரத்தை அடிப்படையாக கொண்டு மட்டுமே முன்னணி நடிகர்கள் படங்கள் வெளியாகின்றன. அந்த வகையில் வசூலில் தளபதி விஜய் நடித்துள்ள திரைப்படங்கள் பெரிய அளவில் வெற்றி வாகை சூடியுள்ளது.

பீஸ்ட் & வாரிசு திரைப்படங்கள் விமர்சன ரீதியாக சரிவை கண்டுள்ள நிலையில், வசூல் ரீதியாக பெரிய அளவில் கொண்டாடப்பட்ட வெற்றி படங்கள் ஆகும். லியோ படத்தின் முதல் நாள் வசூல் மட்டும் 148.65 கோடிகள் உலகளவில் வசூல் செய்து லியோ சாதனை படைத்திருக்கிறது. வசூல் ரீதியாக விஜய் நடித்துள்ள படங்கள் வெற்றி பெற்றுள்ளன, நடிகர் விஜய் ஆட்ட நாயகன் தான்.